JOAO AT SUE....MAG-ON NA NGA BA?

Sila na nga ba? Mag-on na nga ba sina Boyband Joao at Sue Ramirez? Magkasintahan na ba sila? O nanliligaw palang si Joao kay Sue? O maaring nasa stage of knowing each other palang ang dalawa? Well! Just today dated November 30, 2018 nang palabas ako mula sa isang tindahan ng damit sa loob ng isang mall ay kitang-kita ko ang dalawang celebrity na magkasama. Parang may hinahanap na tindahan inside the mall si Sue na nung makita ako ay deadma pero alam kong namumukhaan niya rin ako. Si Joao naman ay parang nakilala ako na isang entertainment columnist dahil ilang beses ko na rin kasi siyang nakaharap sa mga presscon. Wala akong ibang masabi kundi bagay sila! Parehong guwapo at maganda noh! Go na go ako sa kanilang dalawa kung anuman ang estado nila ngayon! Sa isip ko lang, mukhang sila na nga. Kasi silang dalawa lang naman talaga ang nakita kong magkasama at wala namang mga alipores sa gilid-gilid nila! Whatever it is, nanliligaw man si Joao kay Sue, why not! May karapatan ang bawat isa sa ating magmahal noh! Sa aking nakita, hindi kopo kinukumpirmang sila na. Maaring oo o hindi! Si Sue ay napapanood sa teleseryeng Ang Probinsyano at si Joao naman ay napapanood sa seryeng Ngayon At Kailanman! 

PANINIRA RAW NI DIREK TOTO NATIVIDAD KAY COCO MARTIN...KALAT NA!

Sabi ko na! May taong gumalaw kamakailan lang para sa isang demolition job against Coco Martin at sa top-rating show nitong FPJ's Ang Probinsyano. Walang usok kung walang apoy sabi nga nila. Isang demolisyong hindi nagwagi dahil alam nating hindi maganda ang hangarin kundi paninira sa aktor. Yes. Name names na nga ika nga nila. Sino ba ang umalis na direktor sa serye? Hindi ba si Direk Toto Natividad lang and the rest ay masaya pa ring nasa show at happy set lang sila? Nagtatanong po ako mismo kung totoo bang sinisiraan ni Direk Toto Natividad si Coco Martin ayon na rin sa mga naglabasang espekulasyon?

" Wala siyang utang na loob. Sa totoo lang ay wala siyang pangalan until Ang Probinsyano got him at yan pa ang isusukli niya? Take note, ikinampanya siya ni Coco, yan ba ang may integridad na sukli? Kapag tamad at pabaya ang direktor at hindi swak sa propesyonalismo ni Coco na isa rin namang direktor the fact na si Coco naman talaga ang think thank and main brain ng Ang Probinsyano, aba, teka, siguro naman ay may karapatan siyang pumalag! Diba? Come to think of it. Bakit nasa serye pa rin si Malu Sevilla and others? " bulalas pa ng kausap naming nakakaalam sa paninirang isyu na ito ni Toto Natividad.

" Hindi lang bidang aktor si Coco Martin ng Ang Probinsyano, siya rin po ang main think thank (Creative) at direktor ng show. Aba naman, natural lang na hindi uubra ang tamad. Natural lang na magkakaroon ng disagreements sa execution ng story at mounting ng eksena. Pero kung tamad ka, mabagal, mapagiiwan ka bilang co-director. Trabaho lang ito, nakatrabaho mo e perfectionist, hindi pwedeng pucho pucho lang kay Coco. Kung di ka makasabay, quit! Kaya, mabuti na din at nag resign na si Toto Natividad sa show. Baka nga sa GMA shows siya bagay. Huwag na nating pagusapan ang utang na loob niya kay Coco, kasi hindi rin naman niya ito kikilalanin. kahit iisa-isahin namin." Dagdag pa ng aming nakausap! 

Nakakaloka talaga noh! Hay! 

PEP INCORPORATED...WORLD-CLASS PRODUCTION ANG DATING!

Last November 18, 2018 ay tuluyang inilunsad sa Entertainment Media ang PEP---Profiles Entertainment Productions na ginanap sa Xylo, Bonifacio Global City. Ito ay isang events and production agency that caters to a wide range of Clientele, from recording and live production. That same day ay nagkaroon muna ng blessing and ribbon cutting in the morning para sa kanilang bagong office na matatagpuan sa # 37 Scout Limbaga Street, Brgy. Laging Handa, Quezon City that features it's state of the art facilities for it's multi-media team, recording and rehearsal studios, board room and others.  
" Our new office will propel the production agency as an agent of change that will make significant contributions on how the production events can become world-class and feature the filipino talents in the international scene. We are now ready to expand our horizons and create events that are world-class. " ayon pa kay Sir Kniel Harley ang Creative Director at COO ng PEP. 
Actually, during the gala night ay ramdam namin ang pagiging world-class ng lugar kung saan ginanap ang launching kung saan nagbigay ng full entertainment ang Nitro at After5 kasama ang nagu-guwapuhang male and female personalities that night! 
" This is the beginning of a new chapter in the life of PEP and the Filipino entertainment industry that is truly world-class. " dugtong pang litanya ni Sir Raymund Erig.  Ang PEP was initially launched pa noong taong 2010 pero nangako silang ngayong 2018 ay kakaibang PEP na ang bumangon!
Kasama sa mga naging proyekto ng PEP ay ang NFJPIA, Camella Vista Silang, Camella Belize, Camella Vista Land-Camella South Annual Awards Night, Camella Mega Manaila Power Launch, Mr. & Ms. Republic Of The Philippines 2017, Mister GMA 2016, Ginoo at Binibining San Pedro Laguna 2018, Hyundai, Zuellig Pharma ( National Sales Conference 2016-2018 ), Umbria Commercial Center, IBCOM, San Pedro College of Business Administration, university of Perpetual Help-GMA at Le Heim Music & Arts. 

LEANDRA BATINGAN...HANDANG-HANDA NA FOR MISS TEEN UNIVERSAL 2018!

Mula sa mga patimpalak na Miss Campus Role Model 2015, Teen Model Philippines 2016, Miss Tanglawan 2017, Reyna Ng Singkaban 2018, Miss Eco-Nest 2018 at Miss Earth-Philippines 2018 ay handang-handa na si Leandra Batingan for this year's Miss Teen Universal na gaganapin sa Bali, Indonesia ngayong December 3, 2018. Kahit medyo kinakabahan ay gagawin diumano ni ' Lean ' ang lahat nang kanyang makakaya bilang representaive ng ating bansa for the first time. Para lang makilala pa natin si Lean, she's only 18 years old and stands 5'8 inches, morena looking at kasalukuyang nag-aaral sa College of Saint Anthony sa San Jose Del Monte, Bulacan taking-up Humanities & Social Sciences kung saan nasa grade 12 na siya. Sa aming pakikipag-usap sa dalaga ay nakita namin ang pagiging witty nito. Hindi lang ganda ang taglay niya kundi mautak ang dalaga. Nagmula sa isang simpleng pamilya si Lean kung saan isang Brgy. Chairman ang kanyang Ama sa Gumaoc East sa Bulacan at isa namang plain housewife ang kanyang Ina. Mahilig talagang sumali sa mga beauty pageant si Lean dahil pangarap niyang makilala bilang isang Beauty Queen. Nakilala niya diumano si Maam Len Carillo nang sumali siya sa Circle Of 10 kung saan pumasok siya sa Top 10 Girls at mula noon ay 316 Events & Talent Management na ang humawak sa kanyang career. Naging maganda diumano ang pakikisama ng dalaga at buong family nito sa kanyang management kaya todo-suporta ang 316 especially si Maam Len Carillo para sa pangarap ng dalaga. Paalis na ngayong November 27, 2018 si Leandra papuntang Bali, Indonesia kaya naman dasal niya'y sana suportahan natin siya sa kanyang journney this time! Goodluck Lean! Bring home the crown!

MAIINIT NA EKSENA NINA TONY AT ANGEL SA GLORIOUS....INAABANGAN NA NG BUONG MUNDO!

Masayang humarap sa Entertainment Media & Bloggers ang dalawang kontrobersiyal na aktor ng pelikulang " Glorious " na sina Angel Aquino at Tony Labrusca kasama ang Direktor nilang si Connie Macatuno pagkatapos mag-viral sa social media ang trailer ng kanilang pelikula na sa kasalukuyan ay umaabot na sa 13 Million views mula sa pahina ng Dreamscape Digital. Kitang-kita ang saya sa mukha nina Tony at Angel dahil kahit sila raw mismo ay hindi makapaniwalang magte-trending sila at aabot sa milyon ang bilang ng magkakagusto sa trailer palang ng kanilang pelikula na mapapanood na natin simula ngayong November 17 sa IWant na dating IWantTV. Maaring naging curious ang lahat sa dahilang grabe naman talaga ang laplapan nina Tony at Angel sa ipinakitang trailer at may labasan pa ng dila sa isang eksena nila sa pelikula. Intriguing ang pelikulang ito na mapapanood natin digitally na hindi na kailangang dumaan pa sa censorship kaya naman walang puputulin sa mga maseselang eksena na kailangang ipakita sa kabuuan ng pelikula. I like the script lalo na ang bagong tandem nina Tony at Angel na swak na swak sa timplada ng tatakbuhing istorya ng movie. Tatalakayin sa movie ang salitang pag-ibig. Ipapakita sa pelikulang ito na pagdating sa pag-ibig ay wala itong pinipiling edad at kahit sinuman ay puwedeng mahalin o magmahal ng walang pinipiling lugar o sitwasyon! Medyo sensitive ang film pero magbibigay ito ng napakagandang leksiyon sa bawat isa sa ating dapat umalagwa sa pag-ibig! Na kapag mahal mo at gusto mo ang isang tao, ipaglalaban mo ito harangan ka man ng langit at lupa! Basta! Ang ganda ng pagkakagawa ni Direk Connie ng pelikulang ito nina Tony at Angel! In-fairness, both Tony and Angel nailed it! Bago nagtapos ang presscon ay tinanong ko ang dalawang bida kung anong eksena sa pelikula ang ginawa nilang tumatak sa kanila. Naging deretsahan naman sina Tony at Angel sa pagsasabing ang ' cake scene ' ang minahal nilang dalawa! Bongga naman talaga ang naturang eksena dahil may pa-linyang " ang sarap " pa doon si Tony! Naku! Naku! Naku! Basta! Excited na ako!

JED MADELA...EXCITED NA SA HIGHER THAN HIGH CONCERT NIYA SA ARANETA NGAYONG NOVEMBER 16!

Nung nasa planning stage palang ang Jed Madela XV Higher Than High Concert ni Jed Madela na mangyayari na ngayong November 16 sa Araneta Coliseum ay bukambibig ng World-Class Singer/Performer ang salitang nerbiyos. Lagi-lagi niyang nababanggit ito sa akin personally habang kausap ko siya o kasama. Minsan, nagsabi pa siyang baka hindi niya kayang punuin ang buong Araneta na halatang may pangamba siya sa kanyang kakayahan bilang isang sikat na singer/ performer. Ganoon si Jed Madela. He's sobrang napaka-totoong tao at kung anong nararamdaman niya, open siyang sinasabi ito ng deretso! Sa lahat ng pangamba niyang sinugalan ng CCC Productions, bilang naniniwala sa kanyang kakayahan kung saan napakarami na niyang pinatunayang standing ovation at full-packed concerts hindi lang sa ating bansa kundi lalo na abroad ay lagi kaming positibo sa pagsasabing kayang-kaya niyang punuin ang Araneta. Just two days ago nang makausap ko si Jed dahil tinawagan niya ako upang mangamusta, tinanong ko ulit siya kung kinakabahan pa rin siya since 8 days to go nalang ay big concert na niya!
" Kuya Dom, honestly, hindi na ako kinakabahan eh! Mas nandoon na ako sa pakiramdam ng excitement. Excited to perform sa harap ng manonood sa akin. Excited to give something special sa kanila. Excited to do things with my guests! Ganoon na yung pakiramdam ko now. Hindi ko na iniisip ang takot or pressure. Bast ako, i will make it a point na sa lahat ng manonood sa akin that night ay magiging memorable sa kanila ang November 16! This will be a very nice and beautiful concert na sa ngayon palang ay proud na ako. Ibang-iba ang concert na ito sa mga naging concerts ko! " sez Jed Madela.
Masayang ibinalita rin sa akin ni Jed ang line-up of guests niya tulad nina Lea Salonga, Vice Ganda at Regine Velasquez! Well, sa ngayon palang ay isang bonggang CONGRATULATIONS JED!!!

QUEEN MOTHER KARLA...ISANG BONGGANG DIGITAL CONCERT ANG HANDOG SA KANYANG KAARAWAN NGAYONG NOVEMBER 21!

Isang bonggang birthday concert ang gagawin ni Queen Mother Karla Estrada ngayong November 21 sa pamamagitan ng One Music Live. Kaarawan mismo ito ni Queen Mother kung saan she's turning 44 years old na! Ayon kay Karla nang makausap ko ito lately, simpleng selebrasyon lamang ito para sa kanyang espesyal na araw, ang maghandog ng isang birthday concert sa kanyang mga tagahanga at isang simpleng family and friends dinner sa kanyang bahay after the concert. 
" Ang dami nating naging priorities this year Dom. Kaya this year, ayan, isang simpleng concert ang naisip namin para sa mga tagasuporta natin thru One Music Live na gagawin natin mismo sa araw ng birthday ko. Then, siguro, isang simpleng dinner lang dito sa house para sa family and friends. Ganoon lang ka-simple ang birthday natin this year. Ang mahalaga ay yung healthy tayo palagi at blessed sa dami ng trabaho, by that, hindi kona siguro kailangang mag-wish pa dahil sobrang biyaya ang ibinigay sa atin. So, pray and mahalin natin ang trabaho natin at yakapin ang mga biyayang ito Dom. Pasalamatan ang mga taong patuloy na nagbibigay ng tiwala sa atin. " sez Queen Mother.
Totoo yun! Buhos-buhos ang biyaya sa Familia Ford kaya naman wala na diumanong mahihiling pa ang aking kaibigan. Nandiyan ang kanyang regular weekday show na Magandang Buhay at out of town commitments. Kasama na rito ang lalo pang paglago ng kanyang Queen Mother Saloon at success sa career ni Daniel ganoon din ang pagpasok ng endorsements!
Marami pa kaming napagkuwentuhan ng kaibigang Queen Mother pero nakiusap siyang confidential pa ang mga ito at sa totoo lang ay excited na ako! Sa trulaley lang! 
Ang " Karla...The Music Within " ay sa November 21 na sa One Music. Tickets available at KTX website. Just type http://bit.ly/OneMusicKARLA 

BEAUTY GONZALES...MASUWERTE SA SHOWBIZ CAREER!

Hindi ko maiwasang purihin ang teleseryeng Kadenang Ginto na pinagbibidahan ng magagaling na aktor na sina Beauty Gonzales, Albert Martines, Dimpes Romana at Luis Allandy under Dreamscape mula sa direksiyon ni Jerry Sineneng. Given na ang pagiging magaling nina Luis, Dimples at Albert. Pero ang bibigyang puri ko ay si Beauty Gonzales na kahit sabihin mong hindi na niya yata kayang tanggalin ang kanyang bisaya'ng accent ay talaga nga namang hindi mo puwedeng hindi purihin dahil sa kanyang galing bilang isang aktres na produkto ng PBB. She's so unique na kapag pinapanood mo siya ay iba ang dating niya! Yung karisma niya ay mapapansin mo talaga. Sa seryeng ito, ibang klaseng Beauty Gonzales na ang mapapanood mo. Matured na siya unlike sa mga naging teleserye niya before, this time, she's an actress na talaga! Kayang-kaya na niyang sumabay at palaban din siya huh! Siguro dahil napaka-charming niyang tao at alam naming mahal niya ang pag-arte kaya naman blesssed siya to have beautiful projects! May nakapagsabi pa nga sa aming, when it comes to professionalism, naku, wala daw ka-ere-ere ang BEAUTY! Yun na!

CLIQUE 5 AT BELLADONNAS...NAGHAHANDA NA PARA SA KANILANG SKYDOME CONCERT!

BILIB lang ako sa napakaagang paghahanda ng Clique 5 at Belladonnas para sa nalalapit nilang Big Concert ngayong February, 2019 na gaganapin sa SM North-Skydome. Nobyembre palang ay puspusan na ang rehearsals ng mga bagets. Ayon pa sa manager nilang si Ma'am Len Carillo ng 316 Events & Talent Management, mas mabuti na raw ang ginagawa nilang early rehearsals dahil gusto niya diumanong maging perfect ang bawat performances ng Clique 5 at Belladonnas sa nalalapit nilang big concert sa Skydome. Kailangan diumano itong gawin dahil unang-una ay hindi lang diumano Clique 5 ang magpapakitang gilas kundi kasama pa ang Belladonnas. Nakita rin namin sina coach Mia and Aira ng Sexbomb sa isang rehearsal ng grupo. Ayon pa kay Sean De Guzman, mas matindi diumano ang pinagdadaanan nilang rehearsals ngayon kumpara nung gawin nila ang kanilang kauna-unahang concert last February 2018 sa Music Museum. Ratsada naman ang Clique 5 at Belladonnas sa kani-kanilang out of town shows. Nasa final editing na rin ang pelikulang KODEP na isang advocacy movie. Produced ito ng 316 Events. Within the month of November naman ay uumpisahan naman ng Clique 5 at Belladonnas ang 2nd film nila under the direction of Carlo Obispo! Bongga! 

DONNY AT KISSES...PATOK NA PATOK ANG TANDEM SA PLAYHOUSE!

Nauna na naming sinabing may chemistry talaga itong sina Donny Pangilinan at Kisses Delavin nang tuluyan silang pagtambalin sa teleseryeng PlayHouse ng GMO Unit. Parehong guwapo at maganda ang dalawa at higit sa lahat ay ang sandamakmak nilang fans and followers. Sa totoo lang ay napakasarap nilang panoorin sa mukha ng telebisyon habang ginagawa nila ang kanilang mga nakakakilig na eksena sa seryeng PlayHouse. Napansin din namin ang napaka-natural na pag-arte ng dalawa sa serye. Ayon pa sa kanilang anging kuwento sa aming huling panayam, masaya sila sa oportunidad na makatranaho nila ang isa't isa kaya naman pareho daw nilang ine-enjoy ang pagkakataong ito kung saan mas lalo pa diumano nilang nakikilala ang bawat isa. But when asked about love, abangan nalang daw natin kung anong mangyayari sa kanila sa PlayHouse! Yun na!

CARLO AQUINO, CUTENESS ANG KARAKTER SA TELESERYENG PLAYHOUSE!

Sigurado akong lalong magbibigay ningning sa teleseryeng PlayHouse na pinagbibidahan nina Zanjoe Marudo at Angelica Panganiban ang tuluyang pagpasok ng karakter ni Carlo Aquino. Sa huling interview namin kena Zanjoe at Angelica ay naging maboka ang dalawang bida sa pagsasabing isang matinding pampalasa si Carlo sa karakter niyang gagampanan sa PlayHouse na napapanood natin sa Kapamilya Network tuwing umaga mula Lunes hanggang Biyernes. Masaya pareho sina Zanjoe at Angelica dahil simulang pumasok ang karakter ni Carlo ay lalo diumanong naging mas masaya ang set ng teleseryeng kinagigiliwan nating mga Pinoy tuwing umaga! Napag-alaman naming kaya pala happy set lang ang PlayHouse dahil kahit mga bida nito ay masaya lang kapag nasa set sila! Good vibes lang ang teleseryeng ito ng GMO Unit kaya naman kapag ratings ang tatanungin, umaariba rin ang PlayHouse! Sabi nga nila sa PlayHouse, happy set with happy stars! Bonggaceous!