Yan ang aming nabatid last Sunday sa aming espesyal na pananghalian ng PMPC sa Victorinos Restaurant sa Quezon City kasama ang pinakamamahal naming Senador na si Bong Revilla Jr.
Mahaba-habang kuwentuhan o tsikahan dahil medyo na-miss namin si Senator Bong. Nandiyan ang kuwentuhan patungkol sa kanyang pribadong buhay. Kuwentuhan patungkol sa kanyang politician's life at kuwentuhan patungkol naman sa mga aabangan natin sa kanya sa mundo ng showbizlandia.
Sa mga nasambit ng Senador, hindi na raw muna matutuloy ang isang pelikulang pagsasamahan nila nina Lito Lapid at Coco Martin.
Ibinalita rin nitong humahataw naman sa ratings ang kanyang linggohang show na ' Walang Matinik Na Pulis sa Matinik Na Misis ' sa bakuran ng GMA Channel 7.
Since paparating na ang taunang Metro Manila Film Festival ay naitanong na rin sa kanya ang kanyang pagsali ngayong taon.
Mukhang tuloy na tuloy na nga ang pelikulang itatampok niya ngayong taon na may pamagat na ' Alyas Pogi ' kapag pinalad daw itong mapili ng MMDA.
Aniya, besing-besi man daw siya sa pulitika, dapat nangunguna pa rin daw ang pagmamahal niya sa industriya!
Kanya ring sinabing naglalakihang artista ang tampok sa pelikulang ' Alyas Pogi ' na hindi paraw niya puwedeng sabihin sa ngayon.
Patunay lang na magbabalik-pelikula na rin siya ngayong taon!
No comments:
Post a Comment