Just wanna say my piece. Hiwalayan ito ng dalawang magkasintahan. Hindi po natin hawak ang kanilang damdamin. Sa puntong iyon, napakarami ang humusga at nanlait sa pagkatao ni Daniel Padilla. Nakakagulat dahil dinikdik nila ang isang taong walang kalaban-laban sa giyera lalo na't mag-isa siya. Kung anu-ano ang nasabi kay Daniel ng mga taong hindi rin naman siya lubusang kilala lalo na ang pamilya nito. Hindi ko lubos maisip na sa puntong iyon ay umiral ang panghuhilusga kay Daniel na ang dapqt nating ginawa ay nanahimik lang at binalanse ang bagay-bagay at walang kinampihan kundi bagkos ay gumawa pa sana tayo ng paraan upang maging mas magaan ang mundo ng dalawa at hindi yung nanghusga kaagad tayo na hindi naman natin alam ang totoo at hindi tayo ang boss ng dalawa.
Anak-anakan ko si Daniel Padilla. Naka-crib pa lamang si DJ ay nandun na ako bilang kaibigan at pamilya na rin nina Karla. Nakita at nasaksihan ko ang paglaki ni DJ at kung paano ito pinalaki ni Karla. Sa hirap ng pinagdaanang buhay ng mag-iina ay halos nakasalo ko sila mula sa kawalan hanggang sa magkaroon na sila at hindi nila akp kailanman pinabayaan at tinalikuran.
Masakit para sa akin ang ginawa ng ilang tao kay DJ at kay Karla simula noong Disyembre hanggang ngayon na tila napakalaki ng kasalanan ng dalawa sa mundong kanilang ginagalawan na pinutakte ng panghuhusga at pagbibintang na ako ay nanahimik lang ay ngayon lang maglalahad ng aking nararamdaman.
Sige, unahin na natin ang isyung pilit ninyong pinupukol kay DJ na kesyo ang hiwalayan nila ni Kathryn ay senyales na ng kanyang paglubog. Masamang panghuhusga ito kay Daniel dahil simulang maging artista si Daniel, from day 1 till today ay pinatunayan niyang mahusay siyang aktor sa pelikula at telebisyon at nanalo na rin siya ng tropeo sa ilang award giving bodies bilang pinaka-mahusay na aktor ng kanyang henerasyon. Isama na rin po natin ang mga pinilahang sold-out concert niya at mabentang recording career.
Sinasabi pang wala ng career si DJ after ng hiwalayan nila. Hindi po totoo yan. Dahil next month ay pipirma na ulit siya ng panibagong kontrata sa ABS-CBN kaya hindi totoong aalis na siya sa Star Magic kundi mananatili siyang Kapamilya at naglalakihang proyekto ang nakatakda niyang gawin sa Kapamilya this year.
May nasabi pang magsasara na lahat ng kanyang negosyo. Aminado kaming may mga isasara siya ritong negosyo pero abangan niyo ang malaking negosyo niyang kanyang bubuksan sa Japan at kung saan-saan pa.
Nabalita ring naghihirap na siya. Kaya nagbenta ng kanyang mamahaling sasakyan? Again, fake news ito dahil ako mismo ay nakita ko ang lahat ng sasakyang meron si Daniel. Yang kanyang corvette car ay nabenta napo yan 2016 pa. Malinaw? 2016 papo ito nabenta at nagkaroon na ng iba't ibang sasakyan pa si Daniel. Sana po maliwanag!
Balita ring mangingibang bansa na si Daniel? Huh? Hindi rin ito totoo! Dito parin maninirahan si Daniel at dito parin magtatrabaho ang anak-anakan ko!
Maliwanag po na patuloy sa pagkinang ang isang Daniel Padilla kaya tantanan na ninyo ang mga memes at fake news na binabato at ginagawa ninyo sa kanya.
Hindi ko rin palalampasin ang isyung pinupukol ninyo sa ina ni Daniel na si Karla na isang kaibigan ko. Lalo na ang balitang may utang ito sa ina ni Kathryn Bernardo kaya nagbebenta na ng ari-arian. Sana bago kayo magkalat ng fake news at magkalat sa pagbabalita ninyo ay nagtanong-tanong muna kayo kung ito ay totoo o hindi! Hindi yung may maibalita lang kayo at pagkakakitaan niyo ang fake news na ilalantad niyo ay gow na gow na kayo! Maging patas sana kayo!
Yes! Totoong binebenta na ng pamilya Ford ang kanilang kauna-unahang naipundar na bahay sa Dona Petrona sa halagang 50 Million pesos. Pero last year pa ito naging for sale bago pa man naghiwalay ang KathNiel.
Kung tatanungin niyo ako kung bakit binebenta na nila ang naturang bahay na katabi lang din ng naipundar na solong bahay ni Daniel, respituhin natin ang kanilang dahilan. Pero ang dahilan ng pagbebenta ay isang desisyong mas maganda ang kalalabasang plano ng mag-iina para sa akin. Maging si Karla ay nagsabing maraming pangyayari sa naturang bahay na kailangan niyang malimutan at pupuwesto sa bandang South kung saan mas matiwasay at mas maganda ang kapaligiran.
Isang simpleng bahay na malapad ang lupain at masisilayan ang pagtaas at paglubog ng araw ang bagong setting ng bagong bahay ni Karla at excited na siya kasama ng kanyang buong pamilya rito. Nilinaw rin ni Karla na hindi kasama sa binebenta ang bahay ni Daniel na katabi ng kanilang naunang bahay dahil mismong si Daniel narin ang nagsabing huwag ito ibenta!
For your info lang po, hindi lang yan ang bahay ni Daniel kundi meron din siyang property pa sa isang mamahaling lugar ng Makati at kung saan-saan pa kaya hindi totoong namumulubi na siya o sila!
Hindi rin po totoong tag-gutom na ang buong pamilya kaya binibenta na ang bahay. Like what i said kanina, mas maganda at kanais-nais ang magiging resulta ng desisyong pagbebenta at tama lang. Nandiyan ang radio show ni Karla sa ABS-CBN tuwing sabado gaboon din ang kanyang tv show na Face 2 Face sa TV5 at isama pa natin ang pagiging aktibo niyang representante ng Tingog Partylist at nandiyan parin naman ang ilan niyang negosyo!
Huwag nating ibagsak ang Ford family! Ayon pa sa kasabihan, hinding-hindi mo mapapabagsak ang mabuting tao laban sa kasamaan. Let us all just be kind and pray para sa ating kapwa sa bawat pagsubok na pinagdadaanan nila. Hindi yung tuwang-tuwa tayong hinuhusgahan pa sila.
Saganang akin at pagkakaalam ko, patuloy ang buhay sa pamilya FORD. Patuloy ang magagandang biyaya at magagandang oprtunidad! I love you Daniel and Karla at buong pamilya FORD!
Continue shining!!!
No comments:
Post a Comment