Malaking blessing diumano ang tiwalang binibigay ngayon ng ABS-CBN sa kanya. Tinutukoy niya ay ang paglabas niya una sa ' Ang Iyo Ay Akin ' with Jodi Sta. Maria at ngayon naman ay isang importanteng role naman ang kanyang ginagampanan sa action-fantaseryeng ' Darna ' with Jane De Leon bilang si Richard Miscala.
" Masaya po ako sa blessings na ito. Gusto kp rin po itong ginagawa ko ngayon aside from singing. Maraming salamat po sa ABS at sa JRB Creative Production. " aniya pa sa amin.
Hindi diumano totoong iiwanan na nito ang pagiging isang singer sa pagtutok niya ngayon sa pag-arte.
" Hindi po! Kaya naman po pagsabayin. Time management lang. At saka kinanta ko rin po ang isa sa themesong po ng 'Darna ' yung ' Di Maghihiwalay ' po. " aniyang hayag pa sa amin.
Si LA Santos ay nakilala noong 2017 bilang Star Music recording artist at naging frontman ng grupong 7K Sounds naman noong 2020.
Malaki rin ang development sa katawan ng binata. Kung dati ay mataba siya, ngayon naman ay pumayat na siya at binatang-binata na talaga.
" Kailangan po eh. At saka diet ako. Lumalabas napo tayo sa tv kaya, kailangan po. " aniyang tsika pa sa amin.
Nakahilera na sa ngayon palang ang mga gagawing proyekto ni LA Santos sa Kapamilya Network! Posible lahat yan dahil si Ms. Tang Adriano na pala ang kanyang manager! Bongga!
No comments:
Post a Comment