HINDI MAN INAMIN SA PRESSCON, KING OF TALK BOY ABUNDA, GMA 7 NARAW ANG BAGONG TAHANAN SA 2023

Sa katatapos lang na pa-presscon ng King Of Talk na si Boy Abunda nitong araw na hindi tayo imbitado, mariin nitong sinabing may mga pag-uusap ang mga tao mula sa kanyang kampo at mula sa iba't ibang network para sa kanyang pagbabalik telebisyon. 

May mga offer sa kanya at mariin din nitong sinabing wala pa siyang pinipirmahan at tinatanguan dahil ayaw niya diumanong mag-burn ng bridges.

Mariin din nitong sinabing miss na miss na niya ang telebisyon at kailangan na niyang mag-move-on. 

Halos dalawang taon din kasi siyang nagpatuloy ng kanyang pagiging talk show host pero hindi sa free tv kundi sa digital platform.

Sa kabila ng kanyang mga naging pahayag today, sa mga pag-amin at pagsagot ng deretsahan sa mga tanong na ibinato ng press sa kanya, isang reliable source ang nagkumpirmang sa pagpasok ng bagong taong 2023 ay mapapanood na rin daw sa wakas si Boy Abunda sa free tv.

Very reliable ang nakapagsabi sa akin na isang talk show na raw ang kinakasa para kay Boy Abunda sa bakuran ng GMA Channel 7!

Hindi man daw ito inamin ng King Of Talk, kinumpirma ng very reliable source na may hagdan na para sa kanyang gavawing talk show sa Kapuso.

Kakaiba raw ito sa mga nakagawian na niyang talk show pero very Boy Abunda parin daw ang sistema ng programa. 

Hintayin nalang daw nating GMA Channel 7 nalang ang magkukumpirma nito.

Kunsabagay, wala naman talagang makakapantay sa King of Talk! Sa totoo lang!