Kakaibang takot ang ipaparamdam ng VIVA Films sa bagong horror film na BAHAY NA PULA, mula sa award-winning director na si Brillante Mendoza, at tampok sina Julia Barretto, Xian Lim at Marco Gumabao.
Ang BAHAY NA PULA ay tungkol sa bagong kasal na sina Jane (Julia Barretto) at Marco (Xian Lim) na nagpunta sa Mindoro upang ibenta ang ancestral house na minana ni Jane sa kanyang lola. Ililibot sila ng caretaker sa buong lugar, ngunit biglang mag-iiba ang pakiramdam ni Jane pagdating nila sa silong ng bahay. Nang gabing yon, habang nagtatalik si Jane at Marco, biglang mararamdaman ni Jane na parang may mga matang nagmamasid sa kanila.
Kinabukasan, ibabalita kay Jane at Marco na umatras ang buyer ng ancestral house, dahil biglang nagpasa ang Municipal Council ng resolusyon upang ideklara na isang National Historic Site ang ancestral house. Susubukan ni Jane makipag-usap sa Mayor upang ipaatras ang resolusyon, ngunit laking gulat niya nang ang humarap sa kanya ay ang kanyang ex-boyfriend na si Anton (Marco Gumabao), na ngayon ay Mayor’s Secretary na. Habang tinutulungan ni Anton si Jane na mapaatras ang Council Resolution, magsisimula ring bumalik ang dati nilang pag-iibigan. At habang lahat ng ito ay nangyayari, magbabadya ding ipanganak ang kasamaan. Dahil sa sunod-sunod na mga nakakakilabot na pangyayari na mararanasan ni Jane sa ancestral house, unti-unti ring lalaki ang kanyang tiyan na parang siya ba ay nagdadalantao.
Siguradong kaabang-abang ang horror film na BAHAY NA PULA dahil sa all-star cast nito - Xian Lim, Marco Gumabao at Julia Barretto. Kaabang-abang din kung paanong treatment ang ginawa ng award-winning director na si Brillante Mendoza, na bihirang gumawa ng horror films. Ilang awards na rin ang kanyang natanggap para sa kanyang mga pelikula gaya ng “Tirador,” na nanalo ng Caligari Film Prize sa 2012 Berlin International Festival, at napanalunan niya ang Best Director Award para sa pelikulang “Kinatay” sa prestihiyosong Cannes Film Festival noong 2007.
Alamin ang mga misteryong bumabalot sa loob ng BAHAY NA PULA sa February 25, streaming online sa VIVAMAX Philippines, Hong Kong, Taiwan, Thailand, Malaysia, Indonesia, Singapore, Japan, South Korea, Macao, Vietnam, Brunei, Maldives, Australia, New Zealand, the Middle East, Europe, Canada at USA.
Para sa local subscriptions, maaaring ma-avail ang P149/month watch-all-you-can plan sa VIVAMAX app at pwedeng magbayad gamit ang iyong debit, credit card, GCash or PayPal account na naka-link sa iyong Google, Apple o Huawei App Gallery account. Para sa best viewing quality na ang inyong panonood, ang VIVAMAX compatible na rin with TV casting.
Maaari ring mag-subscribe sa www.vivamax.net, pumili ng plan, at magbayad gamit ang PayMaya, Debit or Credit card, GCash, GrabPay, o sa ECPAY partner outlets na malapit sa inyo.
Pwede ring mag-add to cart ng VIVAMAX subscriptions sa Shopee, Lazada, PayMaya at ComWorks Clickstore.
Maaari ring magbayad ng VIVAMAX subscription plans sa mga Authorized outlets na malapit sa inyo: Load Central, ComWorks at Load Manna.
Pwede ring tumawag sa inyong Cable Operators para mag-subscribe: Aklan Cable Television Co., Inc. Cebu Cable HD, Cable Link, Cotabato Cable Television Network Corp., Concepcion Pay TV Network Inc., Sky Cable, Fiber, BCTVI, Paradise Cable Television Nework, Inc., Wesfardell Connect at Zenergy Cable TV Network Inc.
Ginawa ring mas affordable ng VIVAMAX ang panonood ng inyong mga paboritong pelikula dahil ngayon, sa halagang P29, maaari ka nang mag-watch all you can for 3 days!
Mas affordable, mas marami at mas madali na ang mag-subscribe, kaya naman #SubscribeToTheMax na sa best Pinoy Movie Streaming App, VIVAMAX!
No comments:
Post a Comment