HUGOT KING KIEL ALO RECORDED ANAK NG MACHO DANCER MOVIE THEMESONG

Nitong nakaraang huwebes ng hapon ay tuluyan na nga'ng ni-record ng binansagang Hugot King na si Kiel Alo ang Malalim Na Naman Ang Gabi bilang movie themesong ng inaabangang pelikula ni Sean De Guzman titled Anak Ng Macho Dancer mula sa direksyon ni Joel Lamangan na produced naman ng Godfather Productions ni Joed Serrano. 

Malalim nga ang kanta dahil habang nire-record ni Kiel ang original composition ng magaling din na direktor, music composer at hitmaker na si Joven Tan ay hugot na hugot itong si Kiel na sa kauna-unahang pagkakataon ay nakapag-record din siya para sa isang movie themesong. 

" Nung pinakinggan ko po yung kanta, lalo na nung inumpisahan ko ng sabayan yung demo, kinilabutan po talaga ako. Ibang klase! Ayon, memorize agad ako ng song, kinabisado ko po at maganda talaga siya." Paglalahad pa ni Kiel.

First time din ni Kiel makatrabaho ang hitmaker na si Direk Joven Tan.

" Opo. Kinakabahan ako kanina kay Direk habang gina-guide niya ako habang nagre-recording. Pero napaka-cool lang din ni Direk Joven. Smooth ang recording at ayan po, nairaos rin. " aniyang muli sa akin.

Nang makausap ko naman si Direk Joven, aniya, magaling si Kiel at mabilis ang pick-up.

" Magaling si Kiel. Tingnan mo, ang bilis natin. May boses si Kiel. Parang Janno at Ogie ang boses niya na masarap sa tenga. Okey si Kiel." Paglalahad pa ni Direk Joven.

Sobrang nakaka-tagos puso ang bawat linya sa kantang ito. Actually, kinilabutan kami while nagre-recording si Kiel.

Papatok ang kantang ito na kapag nailapat pa sa pelikulang Anak Ng Macho Dancer ay lalo nating yayakapin ang pelikulang kinatatampukan ng naglalakihang movie and television actors nating sina Allan Paule, Jacklyn Jose, Jay Manalo, Emilio Garcia at Rosanna Roces. 

Happy rin si Kiel dahil isang oportunidad diumano ang pagkakapisil sa kanya upang gawin ang movie themesong ng movie under the script of Henry King Quitain kasama sina Ms. Grace Ibuna, Dennis Evangelista at Nanay Jobert Sucaldito bilang supervising producer nito.

Ayon din kay Nanay Jobert na maybe 1st week of December ay tapos na ang post production ng movie.

Nasa digital platforms na rin ang debut single ni Kiel Alo titled Aasa Ka Ba.