BUGOY CARINO AT EJ LAURE MASAYA KASAMA ANG ANAK AT PAMILYA

Ang larawang ito ay nakuha ko mismo sa instagram post ni Bugoy Carino. Lately lang ito lumabas at marami ang nabigla, yung iba ay abot langit ang negatibong reaksiyon na kesyo daw parehong nagsinungaling ang dalawa noon. Sinisi pa ang dalawa na para bang may obligasyon ang dalawa sa mga detractors nito. Aba, yung iba naman ay nagdiwang dahil wala naman daw masama sa ginawa ng couple kung nilihim man nila ito noon at ngayong malaki na ang kanilang baby girl ay saka lang nila nilantad. Sinulat ko rin ito noon sa isang column ko. Kinumpirma ko rin noon dahil inamin mismo sa akin noon ni Bugoy ang tungkol sa isyu at bilang mahal ko si Bugoy at Mommy ay binigay ko sa kanila ang respeto. Ganoon nanan dapat. Hindi ko saklaw ang panghimasukan ang buhay ng may buhay. Anyways, sa post ni Bugoy ay kitang-kita namang napakasaya niya dahil sa biyaya ng pagkakaroon nito ng sariling pamilya, magandang asawa na sikat na volleyball player na si EJ Laure at napakaganda at malusog na anak. Obcourse, sabi ko nga kay Bugoy, huwag na pansinin ang mga negang reaksiyon. Huwag na patulan ang bashing and everything dahil wala rin naman itong patutunguhan. Basta happy na raw si Bugoy sa kanyang life. Blessed na diumano siya at tuloy-tuloy lang ang buhay! Tengga daw muna ang karera at raket this time at hahataw nalang daw muli kapag tapos na ang pandemya! Yun na!