HERO BAUTISTA NAIS MAGLINGKOD MULI SA QUEZON CITY 4TH DISTRICT BILANG KONSEHAL

Taon-taon ay hindi nakakalimot ang pamilya Bautista sa Entertainnent Press. Nitong araw ng Miyerkoles, May 8, 2019 ay nagtipon-tipon sa isang function hall ng Annabels Restaurant, Tomas Morato ang January to June Birthday Celebrators ng Entertainment Press para sa isang birthday lunch treat ng pamilya Bautista kung saan dinaluhan ito nina Harlene Bautista at Quezon City 4th District Councilor Hero Bautista. While waiting kami sa ilang kasamahan ay nagkataon kami ng pagkakataong makatsikahan si Hero Bautista na kasalukuyan palang tumatakbo bilang Councilor sa kanyang ikalawang termino. 
" Kapag pinalad tayo, 2nd term ko na. Sana. Positive naman tayo na nandiyan parin ang mga taga-suporta ko na sumuporta rin sa atin noon. " bulalas pa nito sa amin.
Talagang nasa dugo ng magkakapatid ang public service tulad ng kanilang Kuyang Quezon City Mayor Herbert Bautista na kasalukuyang nasa bakasyon kasama ang kanyang pamilya kaya wala ito sa birthday lunch na kanyang ipinatawag.
" Oo. Napagod din siguro. Kaya pahinga muna siya. Kaya ako muna ngayon, sana manalo parin tayo. Wala naman akong ibang hangad kundi ang makatulog din sa mga kababayan at nasasakupan nating taga-Quezon City lalo na sa distrito ko. Actually, masarap ang magbigay serbisyo sa kapwa. Nakakapagod lang talaga kapag ganitong kampanya. Kulang ka talaga sa tulog. Pero talagang ganoon. Basta't mahal mo ang ginagawa mo, walang pagod na mararamdaman." Aniyang tiktak pa sa amin. 
Dumating din si Harlene sa naturang event. Patunay lang na suportado nila ang isa't isa.
" Ganyan kami eh. Sinusuportahan namin ang isa't isa. Eversince. Yun ang pinakamahalaga! " tsika pa ni Harlene sa amin.
Well, Maraming Salamat Bautista Family! Mahal na mahal kayo ng Entertainment Media!