NAHULOG NA AT NAPAGOD SA'YO...DALAWANG KANTANG SI JOLO REVILLA MISMO ANG KOMPOSITOR NA GAGAMITING MOVIE THEMESONG NG PELIKULANG TRES NG IMUS PRODUCTIONS!

Nagkaroon ng tatlong photoshoot ang Revilla brother's na sina Cavite Vice-Governor Jolo Revilla, Bryan Revilla at Luigi Revilla kasama ang kani-kanilang leading ladies. Ang photoshoot na iyon ay may kinalaman sa comeback offering ng iconic na Imus Productions ngayong taon. Ito ay ang pelikulang TRES ng Revillas Brother's na may tatlong episode. Kay Jolo ang 72 Hours, Kay Bryan ang Virgo at Kay Luigi naman ang Amats. Magkakaiba ang kuwento ng tatlong episode. So ang tawag sa movie nila ay trilogy. Sa imbitasyon ng Imus Productions ay nagkaroon kami ng pagkakataong makapanayam ang tatlong bidang lalake sa magkakaibang araw na ang pinakahuling nakasalamuha namin ay si Jolo Revilla. Maraming napag-usapan during our intimate lunch with our guwapong actor/politician. Kung anu-ano nga. Hanggang sa maibaling namin ang tanong sa kanyang panibagong kinahihiligan ngayon, ang biglaang pagko-compose ng kanta. 
" Nahulog na ako sa'yo! Hindi sinasadya, saksi ang mga tala. Ikaw, ako pinagtugma. Tayo na ba ang itinakda? ".
Mga linya po yan sa naunang komposisyon ni Jolo Revilla na kanya mismong kinanta na binigyang tunog at areglo ng magaling na kompositor at direktor na si Direk Joven Tan.
Interesting ang mga lines sa kantang ito na may titulong NAHULOG NA!
Biniro pa nga namin si Jolo, sa aming tsikahan, na mukhang 8 years ago ay bagay na bagay ang kanta sa kanya. We mean, 8 years ago kasi nung nagkaibigan sila ng aktres na si Jodi Sta. Maria. 
" Hahahaha! " bungisngis pa nitong tugon sa amin. 
" Hindi ko lang sinasadya ang title ng song. Basta nag-compose nalang ako. Then yan na ang kinalabasan. " aniya na gagamitin palang themesong ang kanta para sa kanyang episode na 72 Hours sa pelikulang TRES.
Okey na kami sa paliwanag ni Jolo Revilla hanggang sa banggitin naman nito sa amin na may isang kanta pa raw itong ginawa na balak niyang si Rhian Ramos ang kakanta nito na leading lady niya sa kanyang episode! Intriguing para sa amin dahil ang ikinaloka namin ay ang titulo ng ikalawang kantang ginawa niya ang NAPAGOD SA'YO! 
Tawanan kami actually dahil tila umakma talaga sa isyung kinasasangkutan nila ngayon ni Jodi Sta. Maria na hiwalay na nga sila 2 months ago pa pala!
Biro ko nga sa kanya, akma ang Nahulog Na na unang kanta nito 8 years ago! At tumpak naman ang titulo ng kanyang kantang Napagod Sa'yo 8 years after! Ano ba? Intrigera ba ako? Hindi naman siguro noh! Si Jolo ang nang-iintriga sa amin noh! Hahahahaha! Well, sa totoo lang, mahal namin ang dalawang kampo, pero sa dalawang kantang ito na mismong si Jolo Revilla ang nagsulat, noted na ang salitang wala na nga sila ni Jodi Sta. Maria o hiwalay na nga sila! 
Masaya ang Nahulog Na kasi yung linyahan sa kanta, wow, buong ningning ang pagmamahalan at tiwala. Pero sa Napagod Sa'yo tila nagbago ang matatamis na linya sa matamis pa rin pero alanganin na! Ano ba yan! Basta! Abangan niyo ang pelikulang TRES na hopefully ay papasok sa Pista ng Pelikulang Pilipino ngayong taon na sa July 9 na natin malalaman kung ano-anong pelikula ang papasok ngayong taon from the Film Development Council of the Philippines!