BRIAN GAZMEN...SINGER-ACTOR-ENDORSER!

Mula sa mga angkan ng Gazmen sa Iriga City, Albay ay kasalukuyan namang umaariba sa mundo ng showbusiness itong male singer-actor-endorser na si Brian Gazmen. 
" Gusto ko po talaga ang ginagawa ko ngayon. Nasa politics po talaga ang family namin, pero mas pinili ko pong pasukin ang showbiz. Masaya po ako eh! " sez Brian Gazmen nang makausap namin ito sa katatapos lang na contract signing niya bilang bagong endorser ng Gamboa Sports Body Spray. Masayang ibinalita nito sa amin na suportado naman siya ng kanyang pamilya at lagi naman daw itong nakatutok sa kanya. Sa kanyang inilabas na single na " Ayoko Nang Makarinig Ng Lovesong " under Star Music ay natutuwa diumano ang binata sa magandang response ng madlang pipol sa kanyang song. Kaliwa't kanan din ang kanyang guestings sa Star Music events kaya naman nakatutok siya sa kanyang commitments.
" Masaya po akong ginagawa ang mga ito. Like nitong last week lang, kasama rin ako sa isang concert sa Sta. Rosa, Laguna. May mga out of town shows din po, masaya lang! " aniya.
Balita namin ay pinasok niya na rin ang pag-arte sa harap ng kamera?
" Opo. Kasama po ako sa pelikulang Wander Bra ni Ms. Kakai Bautista. Kaibigan po ako ni Zeus Collins sa movie. Isa akong makulit lang din na kaibigan. Wala po akong magawa eh. Gusto ko rin po talagang umarte. Hopefully po, tuloy-tuloy lang ang blessings! Hindi ko pa po alam kung kelan po ang showing! Pero ang alam kopo ay kasama po yata siya sa Pista ng Pelikulang Pilipino!" aniyang muli sa amin.
Sabi namin sa kanya, ang suwerte niya dahil napakarami ang pupuwedeng maging endorser ng Gamboa Sports Body Spray at siya ang pinili ng owner nitong si Louie Gamboa ng LG Group of Companies. 
" Actually ngayon kolang din po siya na-meet in person! Ngayon lang po talaga kami nagkita. Sobrang masaya po ako. Masaya po ako na finally ay magiging part na po ako ng Gamboa! " aniya.
Ayon pa kay Sir Louie Gamboa, perfect ang imahe ni Brian bilang bagong endorser ng GS Body Spray. Maganda diumano ang imahe ni Brian bilang isang singer at actor. Lalo pa diumanong ikinatuwa ni Sir Louie Gamboa nang malaman niyang naglalaro talaga ng basketball itong si Brian Gazmen! Hopefully by July ay ilulunsad na sa entertainment media si Brian kasabay ng bagong packaging ng GS Body Spray! Ang sikat na film director/ music composer na si Direk Joven Tan ang tumatayong manager ni Brian Gazmen kaya alam naming nasa mabuting kamay ang singer at may mapupuntahan!