SA ISYUNG PINUPUKOL SA KANYA NGAYONG MAY KINALAMAN SA PERA, JED MADELA, TAHIMIK LANG AT MASAYA LANG SA BUHAY AT BLESSINGS NA DUMARATING SA KANYA

May pasabog ang kaibigang Ogie Diaz sa kanyang latest vlog! Sangkot sa naturang pasabog ang kaibigan at alagang mahusay na singer na si Jed Madela! 

Diumano, isang kaibigan ni Jed Madela ang naniningil sa kanya ngayon. 

Ang sinisingil diumano ay ang halagang naitulong nito kay Jed noong pandemic. 

Ang nakarating naman sa akin ay kusang tulong daw ito ng kaibigan ni Jed sa kanya at tinanggap naman daw ni Jed.

Mukhang sa ibang kuwento ay nangangailangan naman daw ngayon ng pera ang kaibigang yun ni Jed kaya naniningil daw ito ngayon?

May ganoon ba?

Naku! Hindi natin alam ang totoong kuwento hanggat hindi nagsasalita si Jed about it noh!

Baka naman may nagkuwento ng mali-maling kuwento kaya nagkaganyan ang sitwasyon at iniipit ang sikat na singer? Malamang yan!

Sinubukan kong kunan ng reaksiyon si Jed about it pero ayon kay Jed ay mananatiling tikom ang kanyang bibig about it!

Mukhang ayaw na nga'ng patulan pa ni Jed ang tsika! Kunsabagay, sa lahat ng isyu, mas magandang manahimik at lalabas din naman kalaunan ang totoong kuwento!

Yun na!