CIA WITH BA : MANININGIL NA MAG-JOWA BUGBOG ANG NAPALA

CIA with BA: Maniningil na mag-jowa, bugbog ang napala!

Isa na namang kaso ang hinarap ng ‘CIA with BA’ na maaaring nangyayari rin sa karamihan.

Sa segment na ‘Payong Kapatid’ sa episode nitong Linggo, Pebrero 11, dumulog ang magkasintahan na sina Michelle and Jonalyn upang humingi ng tulong tungkol sa kung ano ang kanilang dapat gawin pagkatapos makaranas ng pambubugbog mula sa binilhan nila ng lupa.

Nangyari ang insidente matapos nilang malaman na mayroon pa palang orihinal na may-ari ang lupa at ninais na nilang bawiin ang kanilang naibayad.

Ayon sa dalawa, nailahad na rin nila sa kanilang barangay ang pangyayari ngunit lumapit pa rin sila sa programa para kumpirmahin ang kanilang susunod na galaw, lalo na sa paghahain ng kaso dahil sa kanilang dinanas.

“Ang barangay ay may jurisdiction kung pareho kayong taga-roon,” pagpapaliwag ni Alan Peter Cayetano.

“Secondly, ‘yung conciliation kung tawagin or, I don’t mean it in a negative way, in a positive way ‘yung pag-aaregluhan [o] pakikipag-ayos. ‘Yan ay kailangan mag-agree lahat ng parties,” pagpapatuloy pa niya.

“Pangatlo, pagka-mayroon kayong agreement sa barangay, hindi na kayo pupunta sa korte,” aniya.

Kwento pa nina Michelle and Jonalyn, hindi sila makakilos nang maayos dahil kailangan nilang magpa-check up sa doktor at magpagamot, na siya ring payo ni Kuya Alan na kanilang unahin.

“Nakakalungkot ‘no? Imagine kung nagka-kontratahan tayo tapos nauwi sa sakitan? Ang sakit,” saad ni Senador Pia. “But that’s our job — to dissect kung ano ‘yung dapat gawin. At ‘yung sinasabi nga natin, ‘yung kapakanan ng nagcomplain, magpatingin sa doktor dahil baka naman may physical na talagang kailangan ipa-check.” 

“I’m so happy na nagtiwala sila to come to us because naging source of information,” ani-Pia bilang panapos.

Ibinahagi naman ni Boy Abunda na patuloy na bukas ang programa para sa panig ng kabilang partido.

Ang ‘CIA with BA’ ay pagpapatuloy ng nasimulang misyon ni Senador Rene Cayetano, ang yumaong ama ng magkapatid na senador. Si Senador Rene ang orihinal na abogadong nagbibigay ng legal advice sa telebisyon at siyang host ng sikat na programang ‘Compañero y Compañera’ noong 1997 hanggang 2001.

Huwag palampasin ang ‘CIA with BA’ kasama sina Alan, Pia, at award-winning TV host na si Boy Abunda tuwing Linggo ng gabi, 11:00 sa GMA7