CIA WITH BA PANALO SA PAGTALAKAY NG ISYU, PAGTUGON AT AKSIYON

Hindi matatawaran ang husay, galing at talino ng tatlong host ng programang CIA With BA na mapapanood na natin ng 11:30pm tuwing linggo ng gabi sa GMA 7 simula ngayong October 1, 2023.

Si Tito Boy Abunda na napaka-opinionated at deretso sa kanyang pagtatanong ng walang harang at lahat ng puwedeng halughugin sa isang pinag-uusapan ay kanyang binibigyang punto at suhistiyon.

Sina Senators Pia Cayetano at Alan Cayetano naman ay deretsahang tinutugunan ang isang kaso o sitwasyon kasama ang tamang batas na sumasaklaw dito. Ngunit minsan, tulad sa isyung tinalakay nila nitong September 24 episode nila ay hindi maiwasang maging emosyonal ng host tulad nalang ni Senator Pia na sinermonan talaga ang isang iresponsableng ama sa ' Case 2 Face ' segment nila.

Mabilis ang solusyon, kita ang katwiran sa bawat isyung pinag-uusapan dahil matatalino ang tatlong host ng programa. Kaya naman bawat isyung pinag-uusapan sa show ay nabibigyan kaagad ito ng sagot at aksiyon.

Higit sa lahat ay ang mga ipinapaabot na tulong nina Senators Pia, Alan at Tito Boy sa kanilang mga nagiging bisita na labis itong ikinatutuwa ng mga bisita nila lalo na't kailangan naman talagang bigyang pansin at tulong ang mga ito.

Yan ang programang hindi scripted kundi taos-puso ang pagtalakay, pag-uusap at agad na solusyon handog ng tatlong host nito.

Hiwag kaligtaang manood ng CIA With BA tuwing linggo ng gabi, 11:30pm sa GMA Channel 7.