HERSHIE DE LEON PALABAN SA PAGPAPASEKSI SA PELIKULANG BUGSO

Isa si Hershie De Leon sa mga baguhang 316 baby na gumagawa ng ingay ngayon sa pagpapaseksi sa pelikula. Isang baguhang palaban at walang uurungan. Hindi pa man ganoon kahusay umarte, sa puntong ito, sa pagiging baguhan ay masasabi kong ilang pelikula pa ay lalo pang mahahasa ang natural niyang pag-arte sa ngayon palang.

Nitong sabado lang ay nag-last shooting day na ang latest film niyang ' Bugso ' kasama sina Ayana Misola at Sid Lucero. Isang seksi film na produced ng 316 Media Network ni Len Carrillo intended for Vivamax ng Viva Films.

Naglalagablab na mga eksena ang mapapanood natin sa pelikulang ito kung saan walang kiyemeng umariba si Hershie sa pagpapaseksi ganoon din sa pag-arte huh! Tama lang naman na umariba siya dahil kung hindi ay lalamunin siya ng mahusay na aktor na si Sid Lucero noh!

Ayon kay Hershie, she's actually happy now sa mga proyektong kanyang natatanggap. Ipinakilala si Hershie sa pelikulang 'Moonlight Butterfly ' noon ni Christine Bermas bilang isang pole dancer at sa pelikulang ito rin siya unang nakatikim ng talak kay Direk Joel Lamangan.

" Naloka po talaga ako noon Tito. Nandun ka ba? Diba? Kinabahan ako, natakot ako, nanlambot ako, diko na alam ang pakiramdam ko that time. " aniyang bulalas pa sa akin nung makatsikahan ko siya while shooting the film ' Bugso '.

" Pero natuto ako Tito. Malaking bagay po yun sa akin Tito. Galing. I love Direk Joel. Saka proud ako na tinalakan niya ako! " bungisngis pa nitong dugtong sa aming tsikahan.

Paanong hindi siya kabahan, una ay dalawang lalake ang manga-gang rape sa kanya sa isang hotel at unang eksena pa niya itong kukunan. Prepared naman daw siya. Yun nga lang, lalo daw siyang kinabahan at nataranta nung kumakanta na si Direk Joel.

Anyways, maganda rin itong istorya ng ' Bugso ' sa aking pagkakaalam huh! Plus the fact na isang Adolf Alix Jr. ang direktor nito!