KORINA SANCHEZ NASA TV5 NA?

Nagkagulatan last week nang tuluyang pumirma ng kontrata sa bakuran ng TV5 ang sikat at respetadong male broadcaster ng kapamilya network na si Ted Failon pagkatapos nitong mamaalam sa ere ng TV Patrol. Kasamang pumirma ng kontrata ni Manong Ted si DJ Cha Cha na dati ring DJ ng MOR. Nagkagulatan dahil sa totoo lang ay wala namang naging usap-usapan that time kung saang network lilipat si Manong Ted dahil ang alam lang naman ng lahat ay magpapahinga muna siya. Actually ang naging matunog kaagad noon na lilipat sa DZRH ay sina Gerry Baja at Ka Tunying. Anyways, nitong araw ng lunes lang ay sumabog naman ang balitang pipirma o nakapirma na ng kontrata o lilipat na rin o magiging kapatid na rin ang sikat na female news anchor ng kapamilya network na si Korina Sanchez. Mukhang bitbitin raw ni Korina ang kanyang buong staff sa kanyang paglipat sa bakuran ng TV5 ganoon na rin ang kanyang programang Rated K na kasalukuyan naman nating napapanood lamang sa facebook page nito. Dahil din sa naturang pagpasok daw ni Korina sa bakuran ng TV5 ay lumabas naman ang isyung si Korina daw ang mas pinili ng nasabing network na bigyan ng show o slot kahit naka-blocktime ito keysa kay Kris Aquino. Nung una ay parang feeling ko ganoon nga ang nangyaring desisyon ng TV5 hanggang sa nilinaw naman ng TV5 na walang katotohanan ito. Well, since nasa bakuran na ng nasabing network sina Ted Failon at Korina Sanchez, tanong ng marami ay magiging maganda na raw ba ang kalakaran lalo ng news and current affairs ng naturang network? Mas magiging malakas na rin daw ba ang puwersa ng TV5 News room laban sa GMA7? Well, ganoon talaga! Alangan namang nga nga ang mga ito sa pagkawala ng kapamilya network? Alangan namang hindi na sila magtrabaho? Pero ang tanong ko, bakit blocktimers ang mas gusto ngayong papasukin ng TV5 sa kanilang kuwadra? Nasaan na kaya ang pera ni Sir Manny Pangilinan? Hindi ba't bonggadera sila? Balita rin namin ay wala na ring entertainment room o department ang TV5? So ano na? Anyways, dasal naman nating lahat na sana ay pasukin na ngayon ng mas marami pang TVC's ang naturang network para naman happy lang lahat, hindi ba? Basta, happy naman ako kung totoong Korina is Back sa TV5! Goodluck Ms. Korina Sanchez-Roxas! We love you! I love Rated K!