KARL AQUINO MASAYA SA TINATAHAK NA SHOWBIZ CAREER

Mukhang maganda na ang tinatahak ng karera ngayon ni Karl Aquino na dating miyembro ng all male group na Clique V under 316 Events And Talent Management ni Len Carillo. Halatang fulfilled na si Karl dahil simula't mulang makasama namin ito at inalagaan sa 316 ETM ay bukambibig nitong balang araw ay makikilala rin siya at magkaroon siya ng magandang showbiz career dahil pangarap niya talaga ito. Actually hindi lang si Karl ang masaya sa nangyayari sa kanya ngayon kundi ganoon din ang ka-grupo nitong Clique V na nakasuporta parin sa kanya ganoon din ang kanyang management. Regular napapanood si Karl sa All Out Sundays ng GMA Channel 7 bilang isa sa mga binansagang QT's kasama ang big winners ng nakaraang season ng Starstruck 2019 batch. Hiling lang ni Karl na sana ay magtuloy-tuloy ang biyaya sa kanyang solo career at nangakong he will do everything sa abot ng kanyang makakaya. Bongga!