Sinabi ko na noon pa na kapag kinanti niyo ang pamilyang mahal na mahal ko at malaki ang utang na loob ko na itinuring akong pamilya ay papatulan ko kayo. Kahit sino pa kayo sa industriyang ito, kung wala kayong pag-respeto sa kapwa ninyo at pakiramdam ninyo ay institusyon kayo, kapag inariba ninyo ang mga taong wala namang ginagawang masama sa inyo ay hindi ako magdadalawang-isip na patulan kayo! Sa puntong ito, ipagtatanghol ko lang po ang isang tunay na kaibigan ko. Si Queen Mother Karla Estrada. Isang kaibigang napakaraming pinagdaanan sa buhay. Lumaban at nagdasal na balang araw ay magiging maganda ang buhay at nabigyan ng biyayang hindi niya inakala sa ngayon. Isang kaibigang namumuhay ng tahimik at naghahanapbuhay ng maayos ng walang tinatapakang tao. Simula noong magkaroon ng karangyaan sa buhay ay walang ginawa kundi ang maghatid ng tulong kanino man. Pero bakit sa kabila ng pananahimik at pagtatrabaho ng maayos, may mga tao pa ring pilit siyang binubusta at higit sa lahat ay laitin ang kanyang pisikal na pagkatao? Tanong ko lang, inaano kapo ba ni Karla Estrada Manay Lolit Solis?
Sa ilang dekada ko sa showbiz bilang entertainment columnist, ang taas po ng tingin ko sa inyo Manay Lolit Solis. Napakataas ng pagrespeto ko sa'yo at aliw po ako sa karakter mo bilang harbat queen. Pero sa puntong ito po, sa panlalait mo kay Karla Estrada bilang pamilya ko na rin, natural po masasaktan ako bilang kaibigan ni Queen Mother. Napakarami napong mga panlalait at paninirang natanggap si Karla mula sa mga taong hindi masaya sa magandang buhay na ipinagkaloob sa kanya ng DIYOS. Pero wala kayong narinig mula mismo sa kanyang bibig at nanatili siyang tahimik at nilunok ang lahat.
Manay Lolit Solis, tingnan niyo po muna ang sarili ninyo bago po ninyo laitin si Karla. Kung maka-body-shaming kayo? Look at yourself first Manay Lolit.
Sinabi mong sino ba naman ang hindi matatawa sa katawan ni Karla dahil katawa-tawa naman. Wow! Diko po kinaya Lolit Solis ang iyong litanya. Pagkumparahin natin ang katawan mo sa katawan ni Karla, siguro naman mas pagtatawanan ang katawan mo dahil di-hamak namang mas fresh ang katawan ni Karla keysa sa katawan mo at may kurba at diyosa siya ng ganda.
Sa sinabi mong matagal ng starlet si Karla? Whatever po na nangyari sa career ni Karla ay wala po siyang pinagsisihan dahil alam niyang yun ang nakatadhanang mangyari sa kanyang career. Kung sa palagay po ninyo Manay Lolit Solis na magpahanggang ngayon ay Starlet parin si Karla, walang problema yun kay Karla. Starlet man po siya sa iyong paningin, tingnan mo po ang larawan ni Karla, sino po ang biniyayaan ng DIYOS ng magandang buhay pagkatapos ng pagiging starlet niya?
Aminado ka naman palang simulang sumikat si Daniel na anak niya ay sumikat na rin siya. So bakit po nasabi ninyong starlet siya.
Heto pa. Siyempre po Manay Lolit, dahil sa biyaya ay wala tayong magagawa kung tumaas na ang status ni Karla. Kahit kanino man, kapag naging maganda at maayos na ang ating buhay, tumataas na rin po ang status natin bilang tao. Bakit ikaw Manay Lolit Solis? Hindi ba tumaas ang status mo simulang naging harbatera ka at nagkaroon ng scam issue years ago?
Manay, kung panlalait po ay napakarami ng panlalait kay Karla ang tinanggap niya at tanggap niya rin po mga panlalait ninyo.
Kung sa kabila ng pagiging starlet niya ay tv host na rin siya ngayon, Manay Lolot Solis, hindi ka ba nagtanong sa sarili mo kung bakit tv host na siya at tumaas na ang status? Blessed siya diba? Dahil mabuting tao siya at hindi niya gawaing mang-apak ng kanyang kapwa at di niya ugaling manlait ng kanyang kapwa!
IQ? Dapat mas mataas na ang IQ ni Karla? Wait po. Ano po ba ang pag-intindi mo sa IQ? Ako po, diko rin po alam ang ibig sabihin ng IQ. Pero dahil po sa mga panlalait mo, tuluyan ko ng nalaman ang meaning ng IQ. Dahil kayo po dapat ang magtaas ng level of IQ ninyo kung tama po ba ang ginagawa ninyo sa inyong kapwa na hindi naman kayo inaano mula't mula ni Karla.
Para tapusin ko itong personal ko pong sagot sa inyo Manay Lolit Solis ay narito po ang kapiranggot na mensahe sa akin ni Karla Estrada patungkol sa panlalait mo.
" Hayaan mo na sila Dom. Hindi sila masaya sa kapwa nila, hindi natin puwedeng i-please lahat. Hindi rin sila masaya siguro sa achievements ng kapwa nila. Marami na yan Doms. Iniipon ko lang. " bulalas pa ni Karla habang kausap ko siya sa kabilang linya.
" Sabi ko naman sayo Doms, hanggat kaya kong tiisin ang mga panlalait at paninirang yan sa kapwa, titiisin ko. Pero ang lahat ng yan, yang mga paninirang ganyan sa kapwa, may hangganan din. " paglalahad pa ni Karla.
" Unang-una Doms ay wala naman akong atraso sa kanila. May hangganan din yang mga paninira nilang yan Doms. " pagtatapos pa ni Karla.
No comments:
Post a Comment