PANALO ANG KILIG NA HANDOG NG LIZQUEN VIA MAKE IT WITH YOU

Nasubaybayan ko ang ilang episode ng MAKE IT WITH YOU television series ng LizQuen sa Kapamilya Network. Nung unang alagwa nito sa local boobtube, alanganin pa ako kung magugustuhan ito ng televiewers dahil medyo matured na ang script ng series. Pero nagkamali ako dahil niyakap ng madlang pipol ang napakagandang tinatakbong kuwento nito ngayon sa ere. Bagay na bagay kena Liza Soberano at Enrique Gil ang kani-kanilang role at kasalukuyan nga itong umaani ng magagandang reviews online and print! 
Noon pa man ay napakasarap na talagang pinapanood ang dalawa na halos lahat naman ng kanilang ginawang teleserye at pelikula ay tumatak naman talaga at kumita. Gustong-gusto ko yung pagiging classy ng kanilang loveteam na parehong guwapo at maganda. Yung walang sawa factor kapag pinapanood mo sila. Well, dahil nga siguro sa pareho silang mestiso at mestisa, pero meron talagang magic ang LizQuen na wala sa ibang loveteam. Pero higit siguro sa lahat ay ang pagiging mahusay na rin nilang pag-arte sa harap ng kamera. 
Ayon pa sa ilang kaibigan sa entertainment media, malakas din kasi ang hatrak ng dalawa. Pinuri pa nga ng isang columnist ang pagiging tahimik lang at cool ng fans and followers ng dalawa na sa totoo lang ay totoo naman talaga. Hindi rin daw pilit ang kanilang loveteam. Hindi malasado at tunay huh! 
Malaking factor din siguro sa tv series ay ang themesong ng serye na sumikat din sa buong mundo. Isama na rin natin ang naga-galingang cast nito! Panalo naman as always ang LizQuen at waging-wagi sa kiligan ang materyal na ito ng Star Creatives. Very very light lang ang content pero sureness ang kilig na ibinibigay ng dalawa mula lunes hanggang biyernes sa Kapamilya Primetime Bida!