MCCOY DE LEON RATSADA ANG CAREER

Natutuwa kami personally sa nangyayari ngayon sa showbiz career nitong si Macoy De Leon. Mukhang naging maganda ang takbo ng kanyang karera simulang mabuwag ang tambalan nilang dalawa ni Elisse Joson o McLisse. Actually, balikan ko lang, marami ang nanghinayang nang magdesisyon mismo ang dalawa na buwagin na ang kanilang loveteam dahil napakarami nilang supporters. Pero talagang ganoon naman sa showbiz, kung hindi puwedeng mag-workout ang isang bagay o imposibleng mag-grow, kailangan lang talaga ang matinding desisyon. Kaya when we heard about it, nasabi kong mas maganda na rin upang maka-alagwa na ang bawat isa sa kanila at magkaroon sila ng kanya-kanyang path sa showbiz. Well, as of presstime ay kitang-kita naman ang pagiging busy ni Macoy hindi lang sa kanyang daily noontime appearance sa It's Showtime bilang Hashtags kundi lalo na sa paggawa ng pelikula huh! Deserving naman ang binata and in-fairness ay magaling na rin siyang umarte kumpara noong nagsisimula palang siya. Kilala kasi namin ang bagets na ito. Isang magalang at alam naming tutok sa kanyang pamilya at trabaho kaya nasabi naming malayo ang kanyang mararating. This time ay masasabi naming tama lang ang kanyang naging desisyong kumalas na sa loveteam at bumiyaheng mag-isa sa kanyang career. 
Sa presscon naman ng kanyang latest movie sa bakuran ng Regal Films para sa pelikulang The Heiress ay naging deretsahan ang sikat na binata sa pagsasabing isang karangalan para sa kanya ang makatrabaho ang Diamond Star na si Maricel Soriano. Kinabahan daw siya nang makita niya in-person ang beteranang aktres sa shooting ng pelikula. Kinabahan daw siya lalo na sa kanyang mga eksena kasama ang isang Marya. Pero thankful si Macoy dahil maling-mali daw siya sa kanyang impresyon dito. Napakabait daw ni Marya at hindi naman dapat katakutan. 
Masaya diumano si Macoy na nabibigyan siya ng mga ganitopng proyekto at nakakatrabaho ang naglalakihang artista sa industriya. 
Sa pagratsada niya sa kanyang showbiz career, wala na diumanong mahihiling pa si Macoy kundi ang pagtuloy-tuloy ng mga biyayang natatanggap niya ngayon. 
Ang The Heiress ay pinagbibidahan nina Janella Salvador, Maricel Soriano at Macoy De Leon. Mula naman ito sa direksyon ni Frasco Mortiz handog sa atin ng Regal Films. Showing napo ang movie simula ngayong November 27 in cinemas nationwide.