JURIS MULING HUHUGOT NGAYONG DECEMBER 14 SA RESORTS WORLD MANILA

Bilang isang singer ay halos nasa 20 years na palang umaariba sa music industry si Juris Fernandez. Nakilala siya noon bilang female lead vocalist ng bandang MYMP na nagmula sa Davao City. Aminin natin, doon naman talaga umariba ang kanyang karera sa banda niya hanggang sa nagdesisyon siyang makilala bilang Sessionistas ng ASAP at dito na nga umpisang tahakin ni Juris ang kanyang karera bilang solo artist. In-all-fairness to her, she nailed it huh! Nakagawa rin siya ng pangalan at lahat ng kanta niya ay tumatak sa tao at kinakanta kahit saan. Sa pocket presscon ng kanyang JURIS Concert na gaganapin sa Resorts World Manila ngayong December 14 ay walang kiyemeng sinabi sa amin ni Juris na naging fruitful ang kanyang journey bilang isang singer. Wala diumanong dapat sayangin sa naturang paglalakbay. Kung may mga hindi diumano siyang makakalimutang ganap sa kanyang career ito ay noong mag-release siya ng kanyang NOW PLAYING album under Star Music na all-original compositions ang nakapaloob. Kasama na rin daw ang pagkakataong nakapag-release siya ng kanyang album sa Singapore at South Korea na napakalaking achievement diumano sa kanyang career bilang isang singer. Higit sa lahat diumano ay ang magkaroon siya ng asawa at mga anak! 
About her upcoming concert sa Resorts, medyo iniba naman daw ngayon ni Juris ang line-up o may mga changes daw ngayon ang kanyang paganap sa Resorts kumpara noong June kung saan nagkaroon na rin siya ng comecback concert. Makakasama ni Juris ang magaling din na singer-composer na si Ice Seguerra sa entablado at siya ring magdidirek ng kanyang concert. 
" We did some changes sa line-up of songs and guest. Kailangan yun eh. Excited naman ako everytime nagko-concert ako especially now that am working with Ice and nakakatuwa because it all started lang sa Sessionistas namin sa ASAP. " aniyang bulalas pang tsika sa amin.
Kanya ring pinasalamatan ang kanyang fans and followers dahil kung hindi raw sa kanila ay hindi rin naman daw siya makikilala.
Natawa nalang si Juris nang sinabihan namin itong siya naman talaga ang original hugot queen bago pa man nagsulputan ang iba pang pilit ginagaya ang kanyang estilo na hindi naman nila kinakaya!
Kanya rin sinabing masaya siya sa mga baguhang singers ngayon na may kanya-kanyang estilo sa pagkanta dahil wala naman daw talagang ibang gusto sa buhay ang mga ito kundi ang mai-share lang din daw ang kanilang mga talento. 
Naku! Panoorin natin si Juris this coming December 14 sa Resorts World Manila dahil naga-gandahang songs ang alam naming line-up niya from yesterday and today! She's just the one and only JURIS!