NEWEST TEEN SENSATION SETH FEDELIN UMAMING ESPESYAL SI ANDREA BRILLANTES SA KANYA

Sinadya ko last Sunday ng hapon dated August 10, 2019 ang SM City Dasmarinas, Cavite para saksihan ang Grand Opening ng bagong business ni Neil Coleta ang Tikka Tikka Taco Wraps kung saan niya naging bisita ang Newest Teen Senasation ngayon at Kadenang Ginto male star Na si Seth Fedelin. Pinagkaguluhan sina Neil at Seth kasama si Fourth Solomon nang dumating sila sa Tikka Tikka Taco Wraps sa ground floor ng SM City Dasmarinas. Halos hindi magkanda-umayaw sina Seth at Neil sa dami ng taong nag-abang sa kanilang pagdating. After the said event ay nagpunta naman kami sa isang resto along Aguinaldo Highway para kumain ng late lunch kasama na ang meryenda at dito ko na nga nakausap exclusively ang binansagang Newest Teen Sensation na anak-anakan naming si Seth Fedelin.
Kaagad kong kinamusta ang bagets sa kanyang naging experience sa Amerika? 
" Ito po yung kauna-unahang out of the country ko po! Sobrang saya nung experience. Sobrang thankful po ako sa mga taong nagbigay sa akin ng chance na mapabilang ako sa ganoong show abroad na ke bago-bago ko palang po sa showbiz kaya maraming salamat po sa mga Bossing! " bulalas pa ni Seth sa akin na halatang pagod na ang bagets.
Naikuwento rin nito na tumatak sa kanya ang isang lugar doon na kanyang pinuntahan.
" Sobrang tumatak po sa akin ang Golden Gate po! Saya ko nung makita kopo siya. Yung bridge, ang ganda! Kasi nakikita ko lang siya noon sa TV. Saya ko po! " aniyang masayang kuwento sa akin.
Paglabas ni Seth ng PBB ay kaagad siyang nabigyang ng magandang break ng DreamscapePH nang kunin siyang isa sa mga bidang aktor sa tumatakbong teleserye ngayong Kadenang Ginto with Francine Diaz, Kyle Echarri at Andrea Brillantes. Simula naman noon ay marami na anh kinilig sa tambalang SethDrea lalo na nung mabuo ang loveteam nila sa serye at mabuo ang The Gold Squad!
" Masaya po kami ni Andrea together. May usapan po kaming lahat na lalo papo naming gagalingan sa Kadenang Ginto at naku may aabangan papo sila sa aming dalawa ni Andrea. Hindi papo puwedeng sabihin.  Basta po! Abangab nila yun! At Tito Dom, gusto ko narin pong magpasalamat sa mga sumusuporta po sa amin ni Andrea, na sa mga event namin, nandoon sila lagi, naglalaan talaga sila palagi ng oras nila para lang puntahan kami, maraming salamat po talaga sa inyong lahat! " aniya.
Sa estado ng pagkakakilala nila sa isa't isa ni Andrea kasama na ang mga post nilang kulitan at sweetness sa kanilang social media accounts ay maraming fans ang kinilig sa kanilang tambalan. Mukhang papunta na nga ba sa isang matinding pag-iibigan o baka raw nagkahulugan na  ang hottest teen sensations ngayon?
" Hahaha! " natawang tugon pa ni Seth.
" Kasi po, si Andrea po, kinikilala papo namin ang isa't isa.  Basta sa ngayon ay espesyal po siyang tao para sa akin. Espesyal na kaibigan at masaya ako at siya kapag magkasama kami. Hindi ko ma-explain eh! Basta! Totoong kaibigan siya para sa akin! Makulit lang talaga si Andrea. As in mapang-asar na kapag ako naman ang nang-asar sa kanya, ayon, pikunin! Ewan ko dun! Naghahanap lang talaga siguro ng makukulit! Basta magkaibigan po kami at espesyal po siya sa akin. " paglalahad pa ni Seth.
Aside from napakaraming aabangan sa Kadenang Ginto serye nila na palagay ko ay next year pa magtatapos ito, ipapalabas na rin ngayong August ang pelikulang Abandoned na ginawa ni Seth with Beauty Gonzales sa IWant TV!