KHALIL RAMOS AMINADONG NAPABAYAAN ANG SINGING CAREER

Nilinaw mismo ni Khalil Ramos na hindi sila loveteam o walang romance na mamamagitan sa kanilang dalawa ni Andrea Brillantes sa pelikulang The Ghosting ng Reality Entertainment na ipapalabas na ngayong August 28 in cinemas nationwide. Magtutulungan pala silang dalawa sa istorya ng pelikula para sugpuin ang isang curse. Meaning, magkikita sila sa isang punto ng movie at magsasanib-puwersa na sila. Speaking of romance, inamin rin ni Khalil na masaya siya ngayon sa kanyang lovelife. Kanyang sinabi na may isang business siya na mismong ang girldfriend pa nito ang kanyang katuwang. Sa pagpapatuloy ng aming kuwentuhan with him, mukhang hindi na natututukan ni Khalil ang kanyang pagkanta. Maganda ang boses ng aktor at nakilala naman talaga siya muna bilang singer nung pinasok niya ang showbiz! Aminado siyang nawalan talaga siya ng concentration sa kanyang singing career na inaayos niya na rin daw sa ngayon. Napag-alaman din namin na years from now, isa na rin siyang ganap na direktor.
" Yes. Malay po natin. One day. I like it also. Maybe years from now. Let's see. " aniyang pagtatapos pa sa aming panayam.