SETH FEDELIN MAY FUTURE SA SHOWBIZ

" Pangalawang beses ko palang po itong Kadenang Ginto presscon. Pero kinakabahan pa rin po ako. " ssgot ni Seth Fedelin nang tanungin ito kung kinakabahan siya habang kaharap ang entertainment press. Sa ipinatawag na thanksgiving presscon ng DreamscapePH ay naging deretsahan ang apat na bidang aktor sa teleserye sa pagsasabing nagi-enjoy sila while taping. Masaya lang daw sa set ng series at gamay na gamay na nila ang ugali ng bawat isa. Pero sa nasabing presscon, mukhang tuwang-tuwa ang entertainment media kay Seth Fedelin na bagong pasok lang sa serye bilang si Mikoy na umaalagwang ka-triangle ni Kyle Echarri kay Andrea Brillantes. Yes. Isang batang kalye ang role ni Seth sa serye at mismong mga kasamahan na rin nito ang nagsabing masaya sila sa pagpasok ni Seth lalo na raw ang karakter nito. 
" Nakakapanibago parin po. Pero ine-enjoy ko po bawat araw na nagtatrabaho ako. Masaya po ako." Sez Seth.
Sa serye ay mukhang aagawin na ni Seth bilang Mikoy si Andrea bilang Marga sa puso ni Kyle!
" Basta po. Abangan nila ang lalo pang gumagandang kuwento ng Kadenang Ginto namin. Abangan po nila ang kakulitan ni Mikoy at kung anong mga mangyayari sa amin ni Marga. " aniyang kuwento pa sa amin.
Marami sa entertainment media ang nagsabing kahit baguhan si Seth bilang isang artista, nakikita na raw sa aura ng binata na sisikat ito at lalabong bilang isang magaling na aktor. Maamo raw ang mukha at lovable. 
" Thank you po! Basta ako po, ayan, magtatrabaho po ako para sa pamilya. Para magkaroon pang maraming blessings." Aniya. 
Abangan pa ang mas malalaking kaganapan sa Kadenang Ginto na pinagbibidahan ng The Gold Squad. Ganoon din ang pelikulang Abandoned na tinatapos ni Seth lalo na ang mga kaganapan kay Seth.
Sa presscon ay sinabi rin mismo ni Sir Deo Endrinal na tatakbo ang istorya ng Kadenang Ginto hanggang 2020!
Mabuhay ang buong production staff, cast and crew ng Kadenang Ginto! Bongga talaga ng DreamscapePH!