Hindi natinag sa national TV ratings ang programa at kamakailan lang ay humataw ito sa all-time high rating na 27.3% at araw-araw na nananatili sa 20%-mark ayon sa datos ng Kantar Media.
Bukod sa telebisyon, malaking tagumpay din ang natatamasa ng serye sa online world dahil umabot na sa higit 800 million ang total views ng daily highlights nito sa Youtube kung saanhalos bawat video ay pumapalo sa higit isang milyong views.
Marami rin ang pilit na humabol sa past episodes ng serye dahil ito ang most-watched program ng IWant para sa buong buwan ng Abril kung saan pumapalo naman sa 1.5 million ang daily views nito araw-araw.
Walang humpay din ang pagsulpot ng sari-saring memes tungkol sa serye na lubos na kinatutuwaan ng netizens. Marami rin ang gumagaya sa tarayan ng mga eksena ng palabas tulad na lamang ng vlogger na si Kyo Quijano sa pag-upload niya ng parody series na " Kadenang Tanso " na tumabo na ng higit isang milyong views ang dalawang episodes.
Isang pagkilala naman ang natanggap ng Kadenang Ginto matapos itong gawaran bilang Best Daytime Drama Series sa 2019 Golden Laurel Awards ng Lyceum of the Philippines-Batangas dahil sa pamamayagpag ng serye at mahusay na pagganap ng mga karakter nito.
Samantala, mas marami pang pasabog ang serye na gugulat at lalong magpapakapit sa mga manonood tuwing hapon sa mas makapigil-hiningang eksena ng mga mag-ina. Nagbibigay naman ng bagong timpla sa palabas ang pagpasok ng dating PBB Otso housemate na si Seth Fedelin sa serye.
Mula naman sa tagumpay ng Kadenang Ginto, inilunsad din ng Dreamscape Entertainment ang The Gold Squad na sina Francine, Kyle, Seth at Andrea--apat na teenagers na masayahin, responsable, masipag at mapagmahal sa pamilya na iba't iba ang pinagmulan, kinalakihan at pinagdaanan sa buhay. Maglulunsad ang The Gold Squad ng sari-saring proyekto na magdadala ng saya at makaka-relate sa kanilang batang fans, kabilang na ang sarili nilang album sa ilalim ng Star Music.
Bukod sa The Gold Squad, marami pang pasabog at bangayang hatid ang palabas ngayong tuluyan na ngang ibinasura ang isinampang kaso kay Romina at maaari niya nang mabawi lahat ng iniwan sa kanya ni Robert. Pero hindi naman papayag si Daniela dahil gagawin niya ang lahat upang mawala na sa landas niya ang mortal niyang kaaway.
Ang away nila ay lubos na nagdudulot ng galit kay Marga kaya naman ibubuhos niya ito kay Cassie at pilit na ipapamukha na wala siyang karapatan sa kahit na anong yaman ng mga Mondragon!
Panoorin ang Kadenang Ginto tuwing hapon sa Kapamilya Gold sa ABS-CBN!
No comments:
Post a Comment