MIKE MAGAT BILANG PNP CHIEF SA FPJ'S ANG PROBINSYANO

" Sobrang blessing sa akin ang FPJ's Ang Probinsyano. Ako naman ang mabuting side ng isang PNP Chief na isang good person naman sa serye. Nakakataba ng puso yung oportunidad na makita ulit ako sa telebisyon na nasa isang number one primetime teleserye pa at si Coco Martin pang nakakatrabaho ko. " bulalas pa sa amin ng character actor na si Mike Magat sa presscon ng EBC Films' Hapi Ang Buhay The Musical. 
" Hindi pa rin nagbabago si Coco. Matagal na kaming magkakilala at ganoon pa rin siya hanggang ngayon. Kaya nakakatuwa nung mapansin nila ako at nabigyan ng kakaibang role naman sa serye. " aniyang muli. 
Mula sa pagiging isang simpleng character actor noong dekada 90, nagpunta ng ibang bansa at sa kanyang pagbalik noong 2016 ay pinasok kaagad nito ang pagdidirek sa pelikula. Nabigyan ng magandang rekognasyon sa kanyang mga nagawang indie films kaya naman patuloy pa rin ang kanyang pag-ariba sa showbizlandia! 
" Mahal ko talaga ang propesyon ko. Kaya kahit nung nasa ibang bansa ako, iniisip ko talaga ang paga-artista ko. Sa awa ng Diyos, nabigyan naman tayo ngayon ng magagandang break ulit sa showbiz. Hahanapin mo talaga ang pag-arte! " said Mike Magat.