GELLI DE BELEN BILANG KABIT SA PANSAMANTAGAL

Paano nga ba ang buhay ng isang kabit? Paano nga ba nabubuhay ang isang kabit? Masaya ba siya o hindi? May hinahanap ba siyang kulang o sadyang kuntento na siya sa kung anumang buhay meron siya? May ordinaryong kabit at may espesyal na kabit. Paano kung kabit ka naman ng isang politician? Yan ang ginagampanang papel ni Gelli De Belen sa latest script ni Direk Joven Tan na " Pansamantagal " with Bayani Agbayani and DJ Cha Cha. Produced ito ng Horse Shoe Studios at ire-release naman ng Reality Entertainment. 
" I Love it! Ibang klase ang character ko sa movie na ito. Nung matanggap ko ang script, honestly, sabi ko, wow, why not! Nagustuhan ko na kaagad ang story at agad-agad ay oo ang sinagot namin kay Direk Joven. " sez Gelli De Belen sa aming tsikahan sa kanya.
Ibang klase nga ang script na ito. Maaring yung iba ay magtaasan ang kilay dahil medyo naked ang linyahan sa pelikula. Papano siya napapayag to do the role?
" Hindi naman na ako pa-tweetums! I mean, it's about time and i like the story. Hindi ka lang doon sa mga ganoong lines like nung lumabas sa teaser namin na almost 6 million views na, it's the story itself. Maganda ang movie! Promise! " aniyang muli.
" Malalaki naman na mga anak ko. Jusko! Pero kung maliliit pa siguro sila, naku, di puwede! Alam ng asawa ko nung tanggapin ko ang script and may kuwento kasi siya. Basta! Beautiful ang film! " aniyang paglalahad pa sa amin.
In fairness, may chemistry sila ni Bayani Agbayani. Parehong nasa mundo rin ng comedy. Kaya naman wala silang naging problema sa batuhan ng lines sa movie.
" Firtst time naming magkatrabaho. Pero kilala ko na siya! Naku! Wala kaming ginawa sa set kundi ang tawanan ng tawanan lang. Kalog naman kasi lahat eh! " aniyang pagtatapos pa sa aming panayam.
Showing napo ngayong March 20 ang PANSAMANTAGAL.