LASSY...PAKAHUSAY NA KOMEDYANTE!

Sa trailer palang ng pelikulang WANDER BRA na pinagbibidahan nina Kakai Bautista at Myrtel Sarroza mula sa direksiyon ni Jovem Tan ay tawang-tawa na kami rito kay Lassy! Sa lahat ng eksena niya either with Kakai or Myrtel ay pasok sa banga ang acting niya. Simple pero suwabe kung bumato ng linya si Lassy at napaka-natural ng kanyang pag-arte! Actually, sa mga naglipanang komedyante natin ngayon, ibang klase ang dating nintong si Lassy. May patawa factor siyang wala talaga sa iba. Sabi nga ni Joemar--Lassy's assistant, mukha palang ni Lassy ay matatawa kana kaya paano pa kaya kapag nambato na ito ng kanyang linya! Oo naman talaga! Pansin ko rin ang ugali ni Lassy. He's so mapagkumbaba at simple lang naman! Kilala ko na si Lassy years ago at nakita ko kung paano umakyat at umaayos ang kanyang karera bilang isang host sa mga comedy bars hanggang sa mabigyang-pansin siya sa telebisyon at pelikula. Because of these, walang kiyemeng inamin sa amin ni Lassy na maganda-ganda na ang kanyang buhay ngayon kasama ang kanyang pamilya. But recently lang, medyo nalungkot lang kami nang deretsahan nitong inamin sa aming break na sila ng kanyang almost 2 years boyfriend! But still, kitang-kita ko ang pagiging positive niya sa buhay that life must go on dahil unang-una ay may pamilya siyang umaasa sa kanya at ang lovelife ay pahinga nalang daw muna. But wait, kahit sinabay-sabay niya ang kanyang lovelife at pamilya, pagdating diumano sa responsibilities ay professional siya huh! Well, isang tao naman ang nais niya lang pasalamatan kung bakit nagtuloy-tuloy na ang suwerte sa buhay niya, ito ay walang iba kundi ang matalik nitong kaibigang si Vice Ganda! Sa aming pakikipagtsikahan sa kanya, nabisto namin kung sino talaga ang limang male celebs na bet na bet niya! Ito pala ay sina Piolo Pascual na ultimate crush niyang gandang lalake para sa kanya. Si Enzo Pineda na super lakas daw ng sex appeal at maganda ang katawan. Pangatlo si Jericho Rosales na crush na niya noong panahong Mr. Pogi pa ang aktor. Pang-apat naman si Kid ng Hashtags na astig looking daw at si Wilbert Ross na ka-fez naman daw ng ex niya! Masarap katsikahan si Lassy. Walang ere at nanatiling mapagkumbaba kaya alam kong balang araw, magkaka-solo career siya at sisikat siya lalo dahil ang pinaka-nagustuhan naming lahat kay Lassy ay ang kanyang pag-uugali! Gow Lassy! Matutupad na ang lahat! Gow Gurl! Ay! Girl pala! Ang pelikulang Wander Bra ay produced po ng Blue Rock Entertainment Productions at released po ng Viva Films. Hopefully ay mapabilang din sa Pista Ng Pelikulang Pilipino ang movie ni Direk Joven Tan.