KASAL...OPENING SALVO NG STAR CINEMA SA KANILANG IKA-25 YEAR ANNIVERSARY!

Para sa pagbubukas ng engrandeng selebrasyon ng ABS-CBN Films - Star Cinema para sa ika-25 nitong anibersaryo sa industriya ay inihahandog nito ang pelikulang KASAL na pinagbibidahan nina Bea Alonzo, Paulo Avelino at Derek Ramsay na isang kapana-panabik na klasikong romantic-drama movie mula sa direksiyon ni Ruel Bayani na mamarkahan ang unang kulaborasyon nina Derek, Paulo at Bea. Ang kombinasyon ng tatlong bida sa pelikula ay magandang handog ng Star Cinema sapagkat ang love triangle ng mga tauhan na kanilang ginagampanan ay seamlessly navigated ng isa sa pinaka-mahuhusay na storytellers ng ABS-CBN na si Direk Ruel S. Bayani kung saan ito rin ang grand comeback ni Direk Ruel Bayani bilang direktor sa pelikula mula ng siya ay naging isa sa mga business unit heads ng ABS-CBN. Ipapakita sa manonood ng pelikulang ito kung papano yayakapin ng mga karakter sa pelikula ang kanilang mga desisyon sa pag-ibig at paano nila titingnan ang kani-kanilang mga katotohanan. Malalaman sa pelikulang ito kung sa huli ba ay paglalapitin ba sila ng katotohanan o ito ba ang magiging sanhi upang sila ay magkalayo. Alamin ang lahat ng mga kasagutan sa pelikulang KASAL showing na simula May 16 in cinemas nationwide. Nasa cast sina Christopher De Leon, Cherie Gil, Ricky Davao, Ces Quesada at Celeste Legaspi with Cris Villonco, Kylie Versoza, Vin Abrenica, Bobby Andrews, Cai Cortez at JC Alcantara!