LA LUNA SANGRE...LALONG KAABANG-ABANG ANG HULING TATLONG LINGGO!

Umpisa na ngayong gabi ang huling tatlong linggo ng teleseryeng La Luna Sangre na pinagbibidahan nina Daniel Padilla at Kathryn Bernardo under Star Creatives ng ABS-CBN! Umpisa na rin ito ng mga naglalakihang pasabog sa seryeng ating inaabangan at tinututukan gabi-gabi sa Kapamilya Network! In fairness sa La Luna Sangre, mula umpisa hanggang ngayon ay humataw ito sa ratings. Pero ang tanong ng karamihan ay kung ano naman ang kasunod na proyekto ng KathNiel? Sa pagkakaalam namin ay isang pelikulang pasabog naman ang gagawin nina Daniel Padilla at Kathryn Bernardo sa direksiyon naman ni Cathy Garcia-Molina under Star Cinema. Ayon sa aming nabalitaan, mas malaking project ito kumpara sa huling pelikula ng KathNiel huh! Ratsada naman si Daniel Padilla sa kaliwa't kanang endorsements nito. Kamakailan lang ay ang Nescafe TVC nilang dalawa ni Karla Estrada at malapit na rin yata siyang mag-shoot para sa isang de-latang TVC! Next year na naman gagawa ng teleserye ang KathNiel dahil ang pagkakaalam namin ay ang teleseryeng Bagani naman ng LizQuen ang ipapasok sa timeslot na iiwanan ng La Luna Sangre! Bongga talaga ang KathNiel. Walang ibang kakabog diyan. Kaya yung loveteam diumano sa kabilang network na sinasabi nilang nagpataob sa KathNiel, hello world! Wala pa po silang napapatunayan noh! Hindi ko nga kilala ang mga yun eh! Basta! Mas maraming aabangan sa KathNiel this year! Abang-abang tayong lahat!