Kilala sa kanyang kakayahan sa drama at komedya, maaalalang nagpabilib sa nakaraang Metro Manila Film Festival si Pepe sa box-office hit at record-breaker na romantic film na ' Rewind ' bilang si ' Lods ' kasama ang Kapuso Primetime King at Queen na sina Dingdong Dantes at Marian Rivera.
Ngayon naman dadalhin ni Lods ang mga manonood ng sine sa isang nakakakabang pakikipagsapalaran bilang Caleb na magbibigay buhay sa animo'y pinaka-viral na papel niya at pati narin ng kanyang ginagampanang tauhan.
Umiikot ang kuwento kay Caleb na isang sobrang sigasig na vlogger at podcaster. Sa hindi sinasadyang tagpo, sununod siya sa hiling ng kanyang kasintahan na magbantay sa bahay ng lola nito sa probinsiya. Lingid sa kaalaman ni Caleb ang bahay na ito ay hindi basta-basta dahil may taglay din itong lihim na madilim na nakaraan.
Mula sa panulat at direksiyon ng kilalang filmmaker na si Jose Javier Reyes na ang huling kolaborasyon sa sinehan kasama ang Regal Entertainment ay ang 2021 hit na ' Mommy Issues ' na pinagbidahan nina Pokwang at Sue Ramirez. Ang ' Bantay-Bahay ' ay may paanyaya sa isang kakaibang biyahe para sa buong pamilya. Ang husay ni Direk Jose ay banaag sa kanyang abilidad na ipagsama ang katatawanan sa matalinong salitaan pati ang mga karakter na malapit sa totoong buhay sa mga eksenang kapana-panabik. Sa hinaba-haba ng listahan ng mga nagawa niyang kahanga-hanga sa industriya ng pelikula, patuloy niyang isinasabuhay ang dedikasyon at pagmamahal sa larangan ng pagkatha. Sa katunayan, kamakailan lamang ay itinalaga siya bilang Chairperson at CEO ng Film Development Council of the Philippines.
Kasama rin sa pelikulang ' Bantay- Bahay ' sina Casie Banks, Johannes Rissler, Melizza Jimenez, Karl Gabriel at Rolando Inocencio na lahat ay nagbibigay tingkad sa daloy ng horror comedy na ito.
Ayon pa kay Direk Jose Javier Reyes ang kuwento ng ' Bantay-Bahay ' ay bunga ng tulong-tulong na gawa para sa Regal mula sa ideyang inihain sa kanya ni Sketch Sabangan.
Pinuri naman ni Direk Joey ang pagganap ni Pepe at sinabing bagay na bagay ang karakter nito. Nang tanungin tungkol sa anumang kakaibang pangyayari sa set. Wala raw nangyaring kababalaghan sa shoot. Gayunman, nagpahiwatig siya na mas masayang abangan ang mga nakakakilabot na eksena sa loob mismo ng pelikula. Bukod la rito binigyang diin niya na ang ' Bantay-Bahay ' ang angkop para sa pamilyang Pilipino.
No comments:
Post a Comment