YES OR NO? PUWEDE BANG MAGPAKASAL ANG DALAWANG FILIPINO CITEZEN SA IBANG BANSA? SIBAGOT YAN NG ' CIA WITH BA '

Yes or No? Pwede bang magpakasal ang dalawang Filipino citizen sa ibang bansa? Sinagot ‘yan ng ‘CIA with BA’!

Nangangarap ba kayong maikasal sa U.S., sa Paris, o kaya naman sa Maldives pero pareho kayong citizen sa Pilipinas?

Ito ang isa sa mga naitanong sa ‘Yes or No’ segment ng ‘CIA with BA’ nitong Linggo, Pebrero 25.

“Yes,” sagot ni Senador Alan Peter Cayetano. Aniya, ito ay depende pa rin sa capacity o incapacity ng magpapakasal.

Paliwanag pa niya: “Meron kasing tinatawag na formal at essential requisite. So basta’t ‘yung essential requisite [ay] nandiyan — ibig sabihin, nasa edad, wala silang ibang asawa, babae’t lalake — pwedeng mag-asawa abroad, susundin lang nila ‘yung formal requirements ng batas doon…”

Nagbigay rin ng halimbawa si Kuya Alan upang maunawaan na ang formal requisites at essential requisites ay maaaring magkakaiba.

“Halimbawa, dito sa Pilipinas, bawal ikasal ang magpinsang-buo. Hindi ka ngayon pwedeng magpunta doon [sa ibang bansa] tapos ikakasal,” sabi niya.

“Kaya nga ‘yung iba tinatanong dito.. babae sa babae, lalake sa lalake — hindi pwede sa atin. Pupunta sa abroad, magpapakasal [pero] tatanungin kung valid dito. So kailangan ‘yung essential requisite dito. E sa batas natin, nandyan ‘yung edad, ‘yung disqualifications (halimbawa nga, magpinsan), tapos ang nakalagay, babae at lalake,” diin pa niya.

Sa kabuuan, ang essential requisites ang mga pangunahing kailangan habang ang formal requisites ay mga karagdagan.

“Kung may asawa ka na dito, kahit sundin mo ‘yung batas do’n, hindi ka pwedeng mag-asawa ulit,” aniya.

“Pero kung ‘yung formal requisites lang, halimbawa, ‘yung marriage license… kung anong batas do’n (sa ibang bansa), sundin lang nila, pwede na dito,” pagpapatuloy niya.

Ang ‘CIA with BA’ ay pagpapatuloy ng nasimulang misyon ni Senador Rene Cayetano, ang yumaong ama ng magkapatid na senador. Si Senador Rene ang orihinal na abogadong nagbibigay ng legal advice sa telebisyon at siyang host ng sikat na programang ‘Compañero y Compañera’ noong 1997 hanggang 2001.

Huwag palampasin ang ‘CIA with BA’ kasama sina Alan, Pia, at award-winning TV host na si Boy Abunda tuwing Linggo ng gabi, 11:00 sa GMA7