' CIA WITH BA ' SISIMULAN ANG 2024 SA PAG-AAYOS NG PARENT-CHILD RELATIONSHIPS

‘CIA with BA’ sisimulan ang 2024 sa pag-aayos ng parent-child relationships

Nakahandang ipagpatuloy ng public service program na ‘CIA with BA’ ngayong 2024 ang mga nasimulan nito sa nagdaang taon.

Sa patuloy na pangununa ng magkapatid na Senador Alan Peter at Pia Cayetano at ni Boy Abunda, nangangako ang 45th Catholic Mass Media Awards Best Talk Show nominee na magpapatuloy sa pagbibigay ng mga legal na payo, pinansyal na tulong, at kasiyahan sa mas pinaaga nitong time slot, 11:00 ng gabi tuwing Linggo sa GMA.

Ngayong Enero 7, sa opening salvo ng ‘CIA with BA’ ngayong taon, tampok ang dalawang kaso na may kinalaman sa mga magulang, kanilang mga anak, at kani-kanilang ‘di pagkakaunawaan.

Sa ‘Case 2 Face’ segment, nagkaroon ng hidwaan ang mag-ina dahil sa kanilang bahay.

“This is the thing about it. Sa research pa lang namin, [we see] na nagmamahalan talaga sila e. Nagmamahalan pero hindi talaga magkaintindihan,” pagbabahagi ni Alan.

Sa segment na ‘Payong Kapatid’ naman, tatalakayin ang paghahanap ng anak sa kanyang ina matapos siyang abandonahin sa loob ng 30 taon. Magkakasundo at makakapagsimula kaya silang muli ngayong taon?

Tampok rin sa episode ang dating aktres at ngayo’y pilantropo na si Nanette Medved sa ‘Salamat’ segment.

Ang ‘CIA with BA’ ay pagpapatuloy ng nasimulang misyon ni Senador Rene Cayetano, ang yumaong ama ng magkapatid na senador. Si Senador Rene ang orihinal na abogadong nagbibigay ng legal advice sa telebisyon at siyang host ng sikat na programang ‘Compañero y Compañera’ noong 1997 hanggang 2001.

Huwag palampasin ang ‘CIA with BA’ kasama sina Alan, Pia, at award-winning TV host na si Boy Abunda tuwing Linggo ng gabi, 11:00 sa GMA7.