CHRISTINE BERMAS GAGAWIN ANG LAHAT PARA SA KANYANG LAUNCHING MOVIE WITH KIT THOMPSON AT ALBIE CASINO

Maseselamg eksena kaagad para sa pelikulang Moonlight Butterfly na pinagbibidahan ng baguhang aktres na si Christine Bermas na produkto ng 316 Events And Talent Management ni Len Carrillo ang kinunan sa first shooting day nito. Bago isinalang kahapon si Christine ay nakausap ko siya. Aminado siyang may excitement sa part niya pero nangingibabaw daw ang kaba dahil sa pressure na hahanapin sa kanya bilang bida sa pelikula lalo na at isang mahusay at batikang direktor na si Joel Lamangan ang hahawak sa kanya.

But according to her, she's ready, pinaghandaan niya diumano ng todo ang mga gagawin nitong pagpapaseksi sa pelikulang sinulat ni Eric Ramos. Hindi biro ang gagawing pagpapakita ng kanyang katawan sa pelikulang ito. Lalo na't first time niyang makatrabaho sina Albie Casino at Kit Thompson. 

" Mabait po sila pareho. First time ko pareho sa kanila. Medyo kinabahan po ako Tito, pero keri na! " natawang tsika pa nito sa akin.

Kinamusta ko naman ang naging laplapan nila ni Kit Thompson sa swimming pool!

" Ayyy! Okey lang Tito! Kineri ko! " bungisngis pa nitong tugon sa akin. " aniya. 

Si Christine Bermas ay unang nakilala bilang miyembro ng all female group na Belladonnas at nakasama na rin sa pelikulang Silab, Ang Huling Baklang Birhen Sa Balat Ng Lupa at Pola.

Kaya naman napapanahon namang bigyang launching movie si Christine dahil ayon na rin mismo kay Direk Joel Lamangan...

" Magaling na bata si Christine. May nakita ako sa kanya dahil naging artista ko na siya sa ilang pelikula ko. " deretsahang pahayag pa ni Direk Joel Lamangan during the storycon ng pelikula.

Pangalawang movie produced na ito ng 316 Media Network ni Len Carrillo mula sa pelikulang  Silab kung saan inilunsad nito si Cloe Barreto. This time ay may katuwang namang ibang producer si Maam Len na sina Mario Salamat at Melanie Uy! 

Produkto rin ng 316 Events And Talent Management sina Sean De Guzman, Marco Gomez, Quin Carrillo na parehong nasa Viva Artist Agency na. Ganoon din sina Gelo Alagban at Karl Aquino na nasa bakuran naman ng GMA Artist Center.