KUMPIRMADO: KATHRYN BERNARDO DADALO SA APOLLO DIGITAL CONCERT NI DANIEL PADILLA NGAYONG OCTOBER 11 NA!

Naging matagumpay kagabi ang Virtual Media Conference na ipinatawag ng ABS-CBN Corporate Communications para kay Daniel Padilla. Ito ay ginawa para sa nalalapit nitong kauna-unahang Digital Concert titled Apollo: The Daniel Padilla Digital Concert ngayong October 11, 2020. Naging bukas si Daniel sa pagsagot sa lahat ng tanong na ibinato sa kanya mula sa iba't ibang miyembro ng Entertainment Media. In all fairness kay DJ, magaling na talaga itong sumagot at halatang natuto na talaga siya sa sistema ng showbiz. 

Sa aking tanong sa kanya kung bakit naisipan niyang gumawa ng concert sa panahon ng pandemya ay iisa lang naman daw ang layunin ni DJ. Ang makapagbigay saya at panahon sa lahat ng tao lalong-lalo na diumano sa mga fabs and followers nila ni Kathryn Bernardo. 

Naitanong ko rin sa aking anak-anakan kung napag-uusapan na nila ni Kathryn ang pagpapakasal na ayon kay Daniel ay sa puntong ito ay hindi pa at mukhang matagal-tagal pa. Pero sa isang tanong na ibinato sa kanya, gusto na talaga niyang mag-asawa sa edad na 30.

Naitanong ko rin kay Daniel ang balitang mukhang ikakasal naman ang kanyang Momshie Karls sa 2022. Ayon kay DJ, mahaba-habang usapan daw yun at hindi ito nakapagbigay ng kanyang kongkretong sagot patungkol sa usapin.

Sa Apollo Digital Concert ni Daniel, naging deretsahan si Daniel sa pagsasabing tatakbo ang naturang concert sa loob ng 2 oras kung saan naga-gandahang kanta mula noon hanggang ngayon ang kanyang gagawin.

Kinumpirma din nitong darating si Kathryn sa venue mismo ng kanyang concert, hindi para makasama niya para sa isang prod kundi manonood sa kanya ng live. 

Sa digi movie series nila ni Kathryn na The House Arrest Of Us ay nasabi nitong may kasalang magaganap at hindi sa totoong buhay.

Yun na!