ANGELINE QUINTO UMALIS NA SA BAKURAN NG CORNERSTONE

Hindi ko alam kung ano ang tunay na dahilan kung bakit tuluyan ng umalis sa bakuran Cornerstone ni Erickson Raymundo ang pakahusay na female singer na si Angeline Quinto. Ito ay ayon na rin sa balitang nakarating sa akin nitong araw lang. Totoo bang umalis na siya sa kanyang dating management tanong ko naman sa aking kaibigan nang ibinalita niya ito sa akin. Si Angeline Quinto ay nagwaging grand champion noon sa isang patimpalak ng Kapamilya Network. Simula noon, years ago ay naging matagumpay na si Angge - kung tawagin namin sa kanyang showbiz career bilang isang in-demand singer. 

Well, hindi mo kayang kuwestiyunin ang kakayanan ni Angeline bilang isa sa pinakamahusay na singer natin sa local music scene dahil magaling sa magaling naman talaga ito. 

Mula din noon ay naging maganda na rin ang kanyang buhay kasama ang mga mahal nito tulad ng kanyang Mama Bob na mahal na mahal nito. 

Ayon sa aking napag-alaman, nasa pangangalaga na raw ngayon ni Ms. Kate Valenzuela si Angeline Quinto. 

Well, baka naman tapos na rin ang kanyang kontrata sa Cornerstone at gusto niya namang subukan ang ibang putahe when it comes to management kaya wala naman kaming nakikitang mali.

Unang-una ay may karapatan naman si Angge kung saan niya gusto mamahay at kung sino naman this time ang gusto niyang mag-patakbo ng kanyang singing career, hindi ba?

Totoo man o hindi, goodluck Angge! Pakahusay mo naman talaga!