SETH FEDELIN SIMPLENG SELEBRASYON NG PASKO AT BAGONG TAON ANG TINUPAD KASAMA ANG BUONG PAMILYA

Naging mabunga ang taong 2019 para sa Newest Teen Sensation na si Seth Fedelin under the management of Primetime Events And Talent Management ni Mario Colmenares. Hindi naging lingid sa publiko ang pagratsada ni Seth sa kanyang showbiz career. Nandiyan ang pagpasok niya sa pinag-uusapang afternoon weekly show na Kadenang Ginto ng Kapamilya Network kung saan naman siya naging loveteam ni Andrea Brillantes na kung tawagin ay SethDrea. Ganoon din ang pagkakabuo ng The Gold Squad kasama sina Kyle Echarri at Francine Diaz na kasamahang aktor niya rin sa Kadenang Ginto ng Dreamscape PH. Umariba rin si Seth Fedelin sa paggawa ng movies for IWant under Dreamscape Digital with Beauty Gonzales titled Abandoned at Andrea Brillantes na Wild, Little, Love na parehong naipalabas last 2019. Rumatsada rin si Seth sa iba't ibang out of town shows at minor endorsements. 
Higit sa lahat ay nabigyang katuparan niyang magkaroon ng kotse at motor ang kanyang Ama, ilang regalong mamahalin para sa kanyang Ina at mga kapatid at naipagawa paunti-unti ang kanyang kinalakihang bahay sa Cavite na ayon kay Seth ay hinding-hindi niya ito pababayaan kundi pagagandahin pa niya't pag-iipunan. 
Ang suwerte nga ni Seth Fedelin kung tutuusin dahil hindi lahat ng nangangarap pasukin ang showbiz ay nabibigyan ng pagkakataon o oportunidad! 
Nitong pasko lang at bagong taon ay mas ninais ni Seth na makasama ang kanyang buong pamilya at malalapit na kaibigan. Aniya, precious moments yun na hinding-hindi niya bibitawan kahit sabihin nating nakakaluwag-luwag na siya ngayon sa buhay kumpara dati.
Ngayong 2020, walang ibang hiling si Seth kundi ang patuloy na pag-alagwa ng kanyang showbiz career at usapang healthy naman sa kanyang sarili, buong pamilya at mga kaibigan at para na rin daw sa lahat!