PRESIDENT DUTERTE MAY APPEARANCE SA PELIKULANG KINGS OF REALITY SHOWS NI ARIEL VILLASANTA

Bilib kami sa dedikasyon ni Ariel Villasanta sa kanyang propesyon. Dumating siya sa puntong isinangla ang kanyang bahay para lang mabili sa isang network ang naumpisahang pelikula at tinapos ito at ipapalabas na ngayong November 27 in cinemas nationwide. Ito ay ang pelikulang KINGS OF REALITY SHOWS--THE UNTOLD STORY na siya mismo ang nagsulat, nag-produce at nag-direhe. Ayon kay Ariel, napakarami niyang nilapitang tao para lang makalikom siya ng sapat na halaga upang tapusin ang pelikulang ito. Naglalakihang personalidad ang walang kiyeme niyang hinaplos at heto na nga, tapos na ang movie. Sa isang private / intimate screening ng movie last friday evening na ginanap sa UP Film Center kung saan naimbitahan kami, naiyak kami sa pelikula. Don't know why dahil sa kabila ng kabaliwang pinaga-gawa nila ni Maverick, may kurot sa puso ito. Makikita niyo at mararamdaman niyo sa pelikulang ito ang kanilang struggles para lang sa kanilang career at tanging pangarap. Ayon, hindi namin namalayan, umiiyak na kami. Saludo ako personally kay Ariel. I love this guy. Punong-puno ng passion ang taong ito at sana ay makabangon siyang muli mula sa pelikulang ito na napaka-realistic ang pagkakagawa. Dito lang din sa pelikulang ito ay nalaman naming pinsan niya pala si Joey De Leon. Kaya pala todo-suporta sina Cheenee De Leon at Keempee De Leon that night sa kanilang Tito Ariel. Naglalakihang appearances ng naglalakihang tao sa mundo ng showbiz at politics ang mapapanood natin dito. Higit sa lahat ay ang paglabas ng Pangulong Duterte sa movie na maaaliw ka! Basta! This is something new sa ating mga moviegoers and you should watch this film. Matatawa ka pero kukurutin ka sa puso ni Direk Ariel Villasanta.