MALAKI MAN O MALIIT ANG CHRISTMAS TREE BASTA BUO KAYO NG PAMILYA MO NGAYONG PASKO AY MASAYA NA AKO --SETH FEDELIN

Umaariba na sa pelikula at telebisyon ang showbiz career ng Newest Teen Sensation na si Seth Fedelin after PBB. Honestly, naga-gandahang break sa pelikula like Abandoned and Wild Little Love for IWant ang ipinagkatiwala sa kanya kasama na rin ang pagganap niya bilang si Macoy sa araw-araw na inaabangang teleseryeng Kadenang Ginto ng Dreamscape. Ratsada rin ang bagets sa kanyang out of town shows at kung anu-ano pa. Blessed talaga si Seth kaya naman ngayong parating na Pasko ay may munting hiling si Seth.
" Sana po, tuloy-tuloy lang, kasi, hiningi ko ito eh. Saka ngayong pasko ay gusto ko rin magpasalamat talaga sa blessings na dumating sa akin sa lahat ng taong nagtiwala sa akin, sa fans, sa lahat-lahat. Na ang hiling ko lang kay Papa GOD na sana hindi niya ako iiwan sa lahat ng gagawin ko pa sa buhay ko lalo na sa career ko. " aniyang mahabang bungad pa sa aking huling interview.
Aminado si Seth na ngayong taong ito ay mas naging makulay at masaya ang kanyang buhay kasama ang kanyang pamilya. Mga puntong nakabili na siya ng kanyang sariling sasakyan na nagagamit niya sa kanyang mga taping, isang motorsiklo para sa kanyang Ama at mga regalong iba pa para sa kanyang Ina at kapatid. 
" Ang wish ko lang ngayong pasko ay yung buo pa rin kaming pamilya. Yung sama-sama kaming lahat ngayong pasko tulad dati. Mas masaya lang lalo siguro ngayong paskong parating dahil mas marami na kaming pagsasaluhang pagkain at sama-samang kumain, yun naman ang mahalaga eh, yung kasama mo ang buong pamilya mo kapag pasko at sama sama kayo, yun naman ang pasko. " aniyang muli.
Mas malaki na rin kaya ang kanyang X-mas tree sa bahay ngayon kumpara noong mga nakaraang taon sa kanyang buhay?
" Hahahaha! Oo nga po eh. Hindi, yung xmas tree na pinost ko po, naaliw lang ako, naalala ko po kasi ang xmas tree namin sa bahay tuwing pasko na maliit lang. Binili namin yun ay grade 4 or 5 palang yata ako at hanggang ngayon ay buhay pa rin ang xmas tree na yun na tuwing pasko yun yung xmas tree namin. Hindi naman mahalaga sa akin ang xmas tree eh, mahalaga po sa akin na buo po kami. Maliit man o malaki ang xmas tree natin, ang mahalaga ay buo kayong pamilya na sumasalubong sa pasko dahil yun ang totoong spirit of xmas para sa akin. " aniya.
Mukhang ngayong 2020 ay maraming plano si Seth na gusto niyang magkaroon ng katuparan. Isa na rin ba rito ang pagbili niya ng bagong bahay para sa kanyang pamilya?
" Tingnan po natin. Ayoko papo magsalita dahil wala pa naman po Mama Doms. Basta ang ginagawa ko ngayon, ayoko po kasing iwanan ang bahay namin sa Cavite eh. Doon po ako ipinanganak at bahay na namin yun. Pakonti-konti po muna, dahan-dahan, ayoko po talagang alisin ang bahay na yun. Sa ngayon po ay pinapaganda namin, para sa pagpasok ng pasko, pinapaayos ko ang loob ng bahay, yun lang po muna. " aniyang paglalahad pa sa akin.
May mga naiisip na rin daw siyang papasuking negosyo sa ngayon kahit maliit lang. 
Ginagawa niya diumano ang lahatb ng ito para sa kanyang pangarap at para sa kanyang pamailya an hinding-hindi niya diumano pakakawalan ang pagkakataong ipinagkatiwala sa kanya.