NEWEST TEEN SENSATION SETH FEDELIN INUULAN NG PROJECTS

Maganda ang reviews about Abandoned. Ang kauna-unahang pelikulang ginawa ni Seth Fedelin, ang dating PBB Teen Housemate at ngayo'y binansagang Newest Teen Sensation sa showbiz industry. Kasama niya sa pelikula ay si Beauty Gonzales na umaaribang api-apihan naman ngayon sa Kadenang Ginto ng Dreamscape. Most of the reviews ay nagsasabing hindi pa hinog si Seth sa kanyang pag-arte pero nandun yung pag-asang one day ay magiging isang malaking dramatic actor ito sa industry. Malaking bagay ang daily afternoon soap nitong Kadenang Ginto upang lalong mahasa pa ang husay niya bilang isang baguhang aktor. Wala namang bukambibig si Seth kundi ang lalo pa raw nitong gagalingan at mamahalin ang kanyang trabaho bilang isang artista at yayakapin ang mga taong nagbukas ng pinto para sa kanya. Simpleng bagets ng Cavite na sa kanyang tinatamasang tagumpay ngayon ay mismong siya ay nabibigla at hindi parin makapaniwala. Pagkatapos niyang makuha 2 months ago ang kanyang pangarap na magkaroon ng sariling sasakyan para may magamit siya sa kanyang mga shooting at taping ay isang motor naman ang binili ni Seth para sa kanyang Ama upang may magamit daw ito. Sorpresang ibinigay ni Seth ang motor sa kanyang Ama na ikinatuwa naman nito ng labis-labis. Hindi rin nawawalan ng raket out of town ang bagets. Kahit sa akin na publicist niya ay napakaraming inquiries kaso lang nakadepende talaga ito sa sked niya dahil tuesdays, thursdays at saturdays ang taping niya. Kamakailan lang din ay nagkaroon na ng storycon para naman sa isang movie project si Seth with Andrea Brillantes, Jin Macapagal at Alfred Vargas under Dreamscape para sa IWant. Well, who can argue with success! Ganoon talaga! Basta ang lagi lang namin sinasabi kay Seth na huwag lumaki ang ulo at laging magpakumbaba at magpasalamat! More blessings Nak!