CLIQUE V KARL AQUINO MASAYA SA NAGING STARSTRUCK EXPERIENCE

Pagkatapos maging busy nina Karl Aquino, Gelo Alagban at Kyle Lucasan sa papatapos ng Starstruck Search ng Kapuso Network ay isang bonggang Japan trip naman kasama ang ilang miyembro ng Clique V at Belladonnas ang naging treat ni Ma'am Len Carillo sa kanyang mga anak-anakan! Yes! Halos 1 week sa Japan ang Clique V at Belladonnas kasama mismo ang manager nila. Ayon kay Karl Aquino, masaya ang kanilang naging bakasyon dahil halos ikutin na nila ang Japan kasama ang shopping galore with Ma'am Len Carillo. Hindi man daw siya pinalad manalo sa naturang reality search ng Kapuso Network, naging deretsahan naman ang binata sa pagsasabing tuloy parin ang kanyang buhay sa Clique V. Kamakailan lang ay naimbitahan naman ang kanilang grupong Clique V at Belladonnas bilang guest performer sa Mister And Miss STI 2019 nitong hapon ng Martes at sa Circle Of 10 naman kinagabihan sa Music Museum. Isa si Karl Aquino sa may pinakamagandang mukha among the top 12 ng Starstruck batch 2019. Pero ganoon daw talaga ayon pa sa binata. May kanya-kanyang suwerte raw ang bawat isa sa atin. Hindi naman daw iyon anv katapusan ng mundo para sa kanya. Nagpasalamat naman si Karl Aquino sa lahat ng sumusuporta sa kanya sa Starstruck ganoon narin sa grupo nilang Clique V na making waves na rin ngayon sa showbiz industry!
" Masaya po ako sa opportunity Tito, kami nila Kyle at Gelo. Sobrang saya namin na maging finalist sa Starstruck. Isang experience po yun sa buhay namin na hinding-hindi po namin pare-parehong makakalimutan. Dahil din po yun sa 316 management namin na todo-suporta po sa amin. " aniyang habol pang tsika sa aming panayan.