Sa premiere night ng pelikulang Maledicto na ginanap sa Santolan Town Plaza Cinema 1 nitong lunes lang ay nakatsikahan namin ang isa sa bidang babae ng pelikula na si Miles Ocampo. Dalagang-dalaga na nga si Miles at halatang ready to fall in love na.
" Naku po! Actually ang dami kopa pong gustong gawin sa buhay ko lalo na po sa career ko. Sa totoo lang po, hindi ko pa po talaga naiisip! Promise. " aniyang bulalas pa sa amin.
Ngayong araw, May 1 ay kaarawan ni Miles at wala naman siyang ibang hiling kundi ang patuloy ng pag-usbong ng kanyang career at maisama sa isang bonggang bakasyon abroad ang kanyang buong pamilya at matatalik na kaibigan.
" Sa ngayon po, alam niyo, gusto ko mag-travel talaga! " sagot niya nang tanungin siya kung anong birthday gift niya sa kanyang sarili this time.
" Yun nga lang, medyo busy pa po at may mga trabaho, siguro baka mga september napo ako makaalis. Gusto ko sa Japan talaga. Isasama ko Mama ko, mga kapatid ko, mga friends ko. " aniya.
Ilang taon na nga ba siya bukas sa kanyang kaarawan?
" Am turning 22 na po! Feeling ko kasi nung mga 12 years old ako, 22 na ako. Tapos ngayong 22 na ako, feeling ko 30 na ako. Tapos, hala, ang bata-bata ko pa pala. " amiya sa aming tsikahan.
Maganda ang role ni Miles Ocampo sa pelikulang Maledicto. We saw the movie and Miles portrayed her role very well at ang galing niya. It's a horror movie but Miles did her craft as well. Kunsabagay, kaya hindi nawawalan ng proyekto ang bagets dahil hindi rin naman matatawaran talaga ang kanyang galing bilang isang aktor sa kanyang henerasyon! Showing napo today ang pelikulang Maledicto nationwide handog sa atin ng Fox, Cignal at Unitel mula sa direksiyon ni Mark Meily. Kasamang bida ni Miles sa movie sina Tom Rodriguez at Jasmine Curtis Smith!
No comments:
Post a Comment