CLIQUE V...BEST MALE GROUP OF THE YEAR NG LAGUNA EXCELLENCE AWARDS 2019

For almost 2 years ay unti-unting nagbubunga ang pagsisikap ng Clique V. Isang male group mula sa pangangalaga ng 316 Events And Talent Management ni Len Carillo. Ngayong April 20 ay tatanggapin ng mga anak-anakan namin ang kanilang pangatlong parangal bilang Best Male Group Of The Year mula sa Laguna Excellence Awards 2019 na gaganapin sa Cinema 1 ng SM Calamba. Nasubaybayan namin kung paano mahalin ng Clique V ang kanilang trabahong punong-puno ng dedikasyon kasabay ng kanilang hindi paghinto sa pag-aaral. Ayon pa sa mga Clique V, sinusuklian lang nila ang pagmamahal, pang-unawa at paga-aruga sa kanila ng kanilang management lalo na sa kanilang Nanay Len! Marespeto ang mga batang ito at ramdam naming one day ay bigla nalang silang makikilala ng todo!
" Yung improvement nila bilang singers, dancers, ibang klase sa bilis at kitang-kita na ang kanilang galing especially nitong katatapos lang nilang concert sa Skydome na ginastusan naman talaga namin mula sa damit, bonggang production numbers at guest celebrities. Ganoon sila ka-mahal ng kanilang management. Isa pang ikinagulat namin ay yung transformation nila physically. Guguwapo nila lalo ngayon at yung self confidence nila, kitang-kita mo na! Nakaka-proud sila ganoon din ang mga kapatid nilang Belladonnas. Kaya siguro inspired sila to do their best it's because hindi namin talaga sila pinababayaan. " tsika pa ng isang insider ng 316 Events And Talent Management.
Kamakailan lang ay sama-sama ang Clique V at Belladonnas nang pina-blessing ng kanilang Nanay Len ang kanilang bagong service van na gagamitin nila sa kanilang ratsadang out of town shows. May maidadagdag ding bagong miyembro pa sa grupo. Isang guwapitong bagets mula Iloilo City sa pangalan nitong Kristian na makikilala niyo rin soon!
Gow mga anaksies! Saludo kami sa sipag ninyong lahat sa Clique V at Belladonnas! Congratulations sa buong 316 Events And Talent Management.