BELLADONNAS WAGI BILANG BEST FEMALE GROUP SA KATATAPOS LANG NA LAGUNA EXCELLENCE AWARDS 2019

Halos isang taon palang sa kanilang karera ang Belladonnas pero binabaha naman sila ng pagkilala bilang isang magaling na female group. Last saturday, April 20, 2019 ay tinanggap ng Bellas ang kanilang tropeo bilang Best Female Group sa katatapos lang na Laguna Excellence Awards na ginanap sa Cinema 1 ng SM City Calamba. Ayon pa sa Bellas, isang karangalan para sa kanila ang parangal na ito dahil naglalakihang achievers mula sa iba't ibang larangan ng buhay at sining ang kanilang nakasabayan tulad nina Nora Aunor at Jed Madela. Nangako ang Belladonnas na pagbubutihan pa nilang lalo ang kanilang propesyon. Hindi rin maitago ang tuwa ng 316 Events And Talent Management sa tinanggap na award ng Belladonnas. Patunay lamang na nakikilala na ang grupo na lumabas na rin sa mga palabas sa telebisyon. Bunga ito ng sakripisyo at pagmamahal ng Bellas sa kanilang propesyon! Congratulations Belladonnas!