CLIQUE V AT BELLADONNAS....PATULOY ANG PAGKINANG!

Pagkatapos mag-celebrate ng grupong Clique V at Belladonnas ng Christmas at New Year ay kaagad silang rumatsada nitong January 1, 2019 sa Bayanan Fiesta sa Muntinlupa City. Naniniwala ang manager nilang si Maam Len Carillo na owner at manager ng 316 Events & Talent Management na suwerte ang nagtatrabaho sa unang araw ng taon. Nakatakda na ring gawin ang isang indie movie ng Clique V at Belladonnas ngayong buwan ng Enero pero wala pang nilalabas na saktong petsa ang 316. Maaring unahin muna ng talent management ng grupo ang nalalapit nilang big concert ngayong taon na gaganapin sa Skydome ngayong February 23, 2019. Ayon sa Clique V at Belladonnas, masaya sila dahil hindi sila nawawalan ng trabaho sa kanilang management na talagang inaalagaan sila sa lahat. Nitong araw lang ay nailunsad naman ang official music video ng grupong Belladonnas sa digital world na may titulong ' Sa Una Pa Lang ' bilang 2nd single nila. Napapanood na rin regularly sa Banana Sundae ng Kapamilya Network ang Belladonnas! May mga pinagdaanan mang problema sa talents ang management nila ay matibay pa ring nakatayo ang dalawang grupo at patuloy ang kanilang pagkinang sa mundo ng showbiz industry!