ARJO, JOROSS AT KETCHUP PAG-AAGAWAN SI JESSY MENDIOLA

Sa pinakaunang pagkakataon ay sasabak sa comedy movie ang Reality Entertainment via TOL. Patatawanin ka nina Arjo Atayde, Joross Gamboa at Ketchup Eusebio sa kanilang mga kalokohan mula naman sa direksiyon ni Miko Livelo na siyang gumawa ng mga pelikulang Unli Life at I Love You To Death. Istorya ito nina Lando, Dimitri at Arthur na simula pagkabata ay solid na sa kanilang sinumpaang pangako na walang iwanan kahit na ano pa mang pagkakataon ang sumnubok sa kanilang pagkakaibigan. Ngunit ito ay nagbago nang bumalik ang kanailang childhood crush na si Elena na ginagampanan naman ni Jessy Mendiola. Dito na magsimulang magtagisan ng diskarte ang tatlo para subukang mapasagot ang kanilang first love. May the best TOL wins nga ba o friends forever pa din ang mangyayari? Gagampanan ni Arjo ang karakter ni Lando ang certified Mama's Boy ng grupo na dadaanin sa dimples ang charm. Si Joross naman bilang si Dimitri ay hindi mauubusan ng tricks dahil likas sa kanya ang pagiging magikero. Samantalang si Ketchup bilang si Arthur na kahit maliit pero hindi na-short sa kaniyang mga pakulo sa panliligaw. Riot sa katatawanan ang movie kaya sugod na tayo sa mga sinehan sa buong Pinas simula January 30! Suportahan po natin ang pelikulang Pilipino!