SOFIA ANDRES...BALIK BAGANI!

Naging kontrobersyal noong mga nakaraang buwan ang biglaang pamamaalam ni Sofia Andres bilang si Mayari sa teleseryeng Bagani na pinagbibidahan nina Enrique Gil at Lisa Soberano at napapanood mula lunes hanggang biyernes sa ABS-CBN PrimetimeBida. Marami ang naglabasang tsismis na kesyo nagmaldita si Sofia sa set, kesyo baka buntis at kung anu-ano pa. Lingid sa kanilang kaalaman ay may mga tinapos lang na commitments pang iba ang sikat at mahusay na aktres kaya ito nawala sa naturang serye kaya pinatay ang kanyang karakter. Ngayon naman sa kanyang pagababalik at muling pagkabuhay sa serye ay umusbong naman ang tsikang talagang malakas daw sa network ang mahusay na aktres kaya biglang nagkaroon ng magic ang kanyang pagbabalik! Hindi po ako marunong sa sensitivity in scriptwriting pero ang pinag-uusapan po dito ay ang tinakbong istorya po ng serye mula umpisa hanggang ngayon. Teleserye po ito at lahat ay posibleng mamatay at mabuhay. Nasa diskarte po yan ng manunulat kung papano niya ilalabas ang kanyang galing lalo na sa mga karakter sa isang serye na pinatay at nabuhay. Kaya stop spreading the news na kesyo malakas ang kapit ng mahusay na aktres sa network. Like what i said, mahusay, isa pong mahusay na aktres si Sofia at mahal na mahal siya ng kamera lalo na ng kanyang fans and followers! Kung may reklamo po kayo sa pagkabuhay ng karakter ni Sofia sa serye, sa prisinto, este, sa Bagani productions po kayo mag-reklamo! Maging patas sana tayo na kahit ano lang sabihin ninyo, ang isang mahusay na aktres, sabihin mo mang may working attitude yan na hindi naman sinasadya o mis-interpreted man, hinding-hindi yan mawawalan ng proyekto!