EXCLUSIVE! KUMPIRMADO! RAYVER CRUZ...LILIPAT NA SA GMA CHANNEL 7!

TWO months ago nang umusbong ang usap-usapang aalis na sa Kapamilya Network at lilipat na sa Kapuso Network ang isa sa inaalagaan naming aktor na si Rayver Cruz. Tinanong pa namin ang kanyang manager na matalik naming kaibigang si Kuya Albert Chua noon kung gaano ka-totoo ang balita at kaagad naman itong pinabulaanan sa amin noon ni Kuya Albert Chua na hindi ito totoo! Hanggang sa nitong nakaraang sabado, Hunyo 16, 2018 ay biglang nagbago ang ihip ng hangin! Umugong ang balitang aalis na nga sa ABS-CBN Channel 2 si Rayver Cruz. Yes! Ako napo mismo ang magkukumpirmang lilisanin na nga ni Rayver Cruz ang Kapamilya Network. Ayon sa aming kausap na malapit sa puso ni Rayver, may mga dahilan sila kung bakit nagdesisyon silang lilipat na sa GMA Channel 7! Sa katunayan, nakapagpaalam na ng maayos ang kampo ni Rayver Cruz sa pamunuan ng Star Magic partikular kena Ms. Mariolle at Mr. Manahan! Nakapagpaalam na rin daw ang kampo ni Rayver sa teleseryeng Bagani kung saan regular na napapanood ang sikat na aktor na ayon pa sa latest news ay papatayin nalang daw ang kanyang karakter sa serye. Ayon pa sa aming kausap, maaring huling linggo ng Hunyo o unang linggo ng Hulyo na sila pormal na lilipat sa bakuran ng siyete. May mga inaayos lang diumanong mahahalagang bagay o dukumento ang kanilang kampo na kailangan nilang gawin upang maging maganda ang kanilang paglisan sa kapamilya network! Saganang akin lang po, sabi nga nila, there's no business like showbusiness. Ganoon talaga ang buhay sa showbizlandia.  Kapag alam nating hindi na nago-grow ang isang talent sa isang network or management, karapatan po ng kahit sino ang hanapin at bigyang halaga ang kanilang taglay na talento. Hindi natin sila dapat kinukulob sa iisang baonan nang walang mangyayari sa kanila at mapapanis lang! Sa totoo lang, sa dinami-rami ng kasalukuyang artista ng Kapamilya, minsan tuloy napapaisip ka kung yung mga totoong loyal sa kanila ay nabibigyan ba nila ng magandang pagkakataon upang maipakita ang galing nila sa industriya ng pelikula at telebisyon! Saktong salita lang, siguro naman alam din ng isang management ang kanilang ginagawa. Sa kaso ni Rayver Cruz, hindi po biro ang 17 years na pagbuhos nito ng pagmamahal sa kapamilya at puwedeng sabihing naging loyal siya rito! But there's always a reason behind in every story! Kailangang gawin ni Rayver ang desisyong ito dahil sa totoo lang, isa si Rayver Cruz sa masasabi nating multi-talented actor ng Star Magic. Sa halos lahat ng ginawa niyang proyekto, hindi mo rin matatawaran ang kanyang galing bilang isang aktor at maipagmamalaki mo siya. But nothing to worry about. Sigurado naman kaming sa kanyang magiging bagong mother studio where he first started naman ay hinding-hindi siya pababayaan tulad din naman ng ginawa sa kanya ng kapamilya network! Saganang akin lang po, tama lang ang kanyang naging desisyon at susuportahan pa rin namin ang aming ala-alagang aktor. Goodluck Rayver Cruz sa iyong bagong tahanan!