ANGELINE QUINTO....BINAGYO NG BASHING!

" Sabihin niyo na lahat Popsters. Hindi ako nakapag-solo concert na sold-out. Tomboy ako. Hindi ako sikat. Tatanggapin ko lahat yan dahil nirerespeto ko kayo. Tatanggapin ko lahat yan dahil nirerespeto ko iniidolo ninyo. Sa ginagawa ko ngayon mas nahihiya ako kay Sarah. " ito ang twitter post ni Angeline Quinto kung saan sumagot siya sa halos walang humpay na bashing ng mga fans ni Sarah Geronimo pagkatapos kumalat, pinag-usapan at ngayon ay isyu nang pinagtawanan diumano ni Angeline si Sarah nang malamang nawalan ng boses si Sarah at nag-nervous breakdown sa isang show nito abroad. Nangyari diumano ang insidente sa bakuran ng Kapamilya Network last sunday ayon pa sa aming napag-alaman. Kaya naman nung bina-bashed na ng Popsters si Angeline ay may nabasa rin kaming post na nagsasabing hindi raw ito ginawa ni Angeline. Sinabi pa raw ni Angeline na iharap sa kanya ng Popsters ang sinasabi nilang taga-ASAP na nagsabing totoo ito at hindi raw natatakot si Angeline na harapin ito. Sa dami ng mga sinabi ng Popsters na masasakit na salita sa twitter patungkol kay Angeline Quinto, naglalaro naman ngayon sa isipan ng karamihan kung totoo nga bang ginawa ito ni Angge o hindi. Personal akong nagpadala ng aking mensahe kay Angeline sa kanyang instagram account to get her side of the story pero magpahanggang ngayon ay wala pa rin akong natatanggap na sagot mula sa kanya at sa kanyang kampo kaya hindi pa rin namin matuldukan ang isyung ito! Pero ang tanong ng karamihan? Matalik bang magkaibigan ang dalawa o kaswal at civil lang sa isa't isa?