Isang bonggang karera! Natuloy na! Kagabi lang ay pumirma na si Madam Inutz (Daisy Lopez) ng kontrata sa Former Mr. Gay World titlist ,sikat na businessman, social media infuencer at philanthropist na si Wilbert Tolentino nitong huwebes ng gabi. Dalawang taong management contract ang pinirmahan ni Madam Inutz sa bakuran ni Wilbert Tolentino.
Ang kontrata ay sinulat sa Pilipino para lubos na maintindihan ni Daisy ang nilalaman nito kasabay na rin ng pagdiriwang ng Linggo ng Wika. Sa contract signing ay kasama nila si Atty. Bertini Causing. Dalawa rin ang kinuhang witness both sides para daw maging malinaw ang pirmahan.
Ayon kay Wilbert, wala siyang kukunin na komisyon sa lahat ng kikitain ni Madam Inutz pero magi-endorse siya ng kanyang mga negosyo. Ang dating ginawa niya noon na pag-aalaga at treatment sa dati niyang mina-manage na si Mader Sitang ay siya ring gagawin niya kay Madam Inutz.
Nilatag na rin ni Wilbert ang plano na gagawa ng single si Madam Inutz entitled Inutil composed by Ryan Soto. Bubuo sila ng album ng nasabing viral online seller.
Gagawin din siya ni Kuya Wil II na ambassador ng mga online seller.Tutulungan nila ang mga gustong maging online seller at kung paano ito magkaroon ng brand at owner.Tumawag lang sa 09175inutil. Puwede rin silang mag-email at mag-message sa dlinutil@yahoo.com. Look for wilbert tolentino.
Sa ginawang live video coverage thru facebook ng nangyaring contract signing ay bumaha ang pagbati kena Madam Inutz at Wilbert. Karamihan sa mga pagbati ay sinabi nilang nasa tamang kamay ang si Madam Inutz at tama ang kanyang desisyong kay Wilbert siya magpapa-manage dahil in-all fairness kay Wilbert ay kilala itong matinong manager at tumutulong naman talaga mula sa kanyang puso!
Congrats Madam Inutz at Wilbert Tolentino!
